டெல்லி பயணம் ரத்து... மீண்டும் மன்னார்குடி பஸ்ஸுக்கு ரிட்டர்ன் ஆன அதிமுக எம்.எல்.ஏக்கள்!
அதிமுக எம்எல்ஏக்களின் டெல்லி பயணம் திடீரென ரத்து செய்யப்பட்டுள்ளது.
சென்னை: அதிமுக எம்எல்ஏக்களின் டெல்லி பயணம் திடீரென ரத்து செய்யப்பட்டது. இதனால் எம்எல்ஏக்கள் விமான நிலையத்தில் இருந்து புறப்பட்டுச் சென்றனர்.
அதிமுக எம்எல்ஏக்கள் அனைவரும் டெல்லி சென்று ஆளுநரை சந்திக்க இருப்பதாக தகவல் வெளியானது. இதற்கான ஏற்பாடுகளும் புயல்வேகத்தில் நடைபெற்றது. இதற்காக மதியம் முதலே அதிமுக எம்எல்ஏக்கள் அனைவரையும் சசிகலா குடும்பத்தினர் தங்களின் கட்டுப்பாட்டுக்குள் வைத்திருந்தனர்.
இந்நிலையில் இன்றிரவு 8 மணியளவில் அதிமுக பெண் எம்எல்ஏக்கள் அனைவரும் விமான நிலையத்திற்கு அழைத்து வரப்பட்டனர். அப்போது திடீரென எம்எல்ஏக்களுக்கு தொலைபேசி அழைப்பு வந்தது.
பின்னர் அவர்களின் டெல்லி பயணம் ரத்து செய்யப்படுவதாக அறிவிக்கப்பட்டது. இதையடுத்து அவர்கள் விமான நிலையத்திலிருந்து புறப்பட்டனர்.
ஆளுநர் நாளை சென்னை வருவதாக தகவல் வெளியாகியுள்ளதால் சசிகலா தரப்பின் டெல்லி பயணம் திடீரென ரத்து செய்யப்பட்டிருக்கலாம் என தெரிகிறது.
Click it and Unblock the Notifications
Sign in with Google