திடீர் உடல்நலக் குறைவு: மாஜி அமைச்சர் சாத்தூர் ராமச்சந்திரன் மதுரை மருத்துவமனையில் அனுமதி

By Mathi

Published: Sunday, October 9, 2016, 13:51 [IST]

Subscribe to Oneindia Tamil

மதுரை: திமுகவைச் சேர்ந்த முன்னாள் அமைச்சரான சாத்தூர் ராமச்சந்திரன் திடீர் உடல்நலக் குறைவால் மதுரை தனியார் மருத்துவமனையில் அனுமதிக்கப்பட்டுள்ளார்.

அருப்புக்கோடடை எம்.எல்.ஏ.வான சாத்தூர் ராமச்சந்திரன் தி.மு.க.வின் விருதுநகர் தெற்கு மாவட்டச் செயலாளராக உள்ளார். விருதுநகரில் கட்சிப் பணிகளை முடித்துவிட்டு நேற்று இரவு அவர் வீட்டுக்கு வந்தார்.

இன்று அதிகாலை சாத்தூர் ராமச்சந்திரனுக்கு திடீர் உடல்நலக்குறைவு ஏற்பட்டது. இதனை தொடர்ந்து குடும்பத்தினர் அவரை மதுரையில் உள்ள தனியார் மருத்துவமனையில் சேர்த்தனர்

அங்கு சாத்தூர் ராமச்சந்திரனுக்கு தீவிர சிகிச்சை அளிக்கப்பட்டு வருகிறது. அண்மையில் சாத்தூர் ராமச்சந்திரன் மகன் முதல்வர் ஜெயலலிதா முன்னிலையில் அதிமுகவில் இணைந்திருந்தார் என்பது குறிப்பிடத்தக்கது.

Published On October 9, 2016