சென்னை மழை- வெள்ள கார்கள் விற்பனைக்கு: ஆடி, பிஎம்டபுள்யூ 16 லட்சம், ஐ20 வெறும் ரூ.3,000
சென்னை: சென்னையில் ஏற்பட்ட வெள்ளத்தால் பாதிப்புக்குள்ளான கார்கள் மிக குறைந்த விலையில் விற்பனைக்கு வந்துள்ளன.
கோபார்ட்.காம்(copart.com) என்ற இணையதளத்தில் சென்னையில் ஏற்பட்ட வெள்ளத்தால் பாதிப்புக்குள்ளான கார்களை விற்பனை செய்வதற்காகவே தனிப்பக்கம் துவங்கப்பட்டுள்ளது.
அந்த பக்கத்தில் ஆடி, பிஎம்டபுள்யூ, ஹோண்டா, ஹுன்டாய், ஃபோக்ஸ்வேகன் உள்பட பல பிராண்ட் கார்கள் மிக குறைந்த விலையில் விற்பனைக்கு வந்துள்ளன. நிஸ்ஸான் சன்னி கார் ரூ. 3 ஆயிரம், ஹுன்டாய் ஐ20 ரூ.3 ஆயிரம், டொயோட்டா கொரோல்லா ரூ.3 ஆயிரம், நிஸ்ஸான் டெரானோ ரூ.6 ஆயிரம் என்று பல வகை கார்கள் நம்ப முடியாத அளவுக்கு குறைந்த விலையில் விற்பனைக்கு வந்துள்ளன. கார்களை வாங்க விருப்பம் உள்ளவர்கள் ஏலத்தில் கலந்து கொண்டு தங்களால் அளிக்க முடிந்த விலைக்கு கேட்கலாம்.
2014ம் ஆண்டு மாடல் பிஎம்டபுள்யூ கார் ரூ.13 லட்சத்திற்கு விற்பனைக்கு வந்துள்ளது.
சேலத்தைச் சேர்ந்த டெக்ஸ்டைல் ஷோரூம் டீலரான டி. மாதவராஜ் 2014ம் ஆண்டு மாடல் ஆடி ஏ6 காரை வெறும் ரூ.16 லட்சத்திற்கு வாங்கியுள்ளார்.
இது குறித்து கோபார்ட். காம் இணையதளத்தின் விற்பனை மற்றும் மார்க்கெட்டிங் பிரிவு துணை தலைவர் கிறிஸ்டோபர் பின்சன் கூறுகையில்,
சென்னை வெள்ளத்தால் பாதிப்புக்குள்ளான கார்கள் விற்பனைக்கு வந்துள்ளன. அதை வாங்க இந்தியா முழுவதும் உள்ளவர்கள் ஆர்வம் காட்டுகிறார்கள். சில கார்கள் சேதம் அடைந்துள்ளன. சென்னை வெள்ளத்தால் சேதம் அடைந்த கார்களில் சுமார் 12 கார்களை இதுவரை விற்பனை செய்துள்ளோம் என்றார்.
விற்பனைக்கு வந்துள்ள கார்களில் பல சுமார் 1 வாரம் நீரில் மூழ்கிக் கிடந்தவை என்று கூறப்படுகிறது.
Click it and Unblock the Notifications
Sign in with Google