அம்மாடியோவ்... இது எந்த ஊரு ரெய்டு?.. குவியல் குவியல் நகைகள், கட்டுக் கட்டாக பணம்!

கட்டுக் கட்டாக பணம், பண்டல் பண்டலாக நகைகள், வளையல்கள், நெக்லஸ்கள், லாக்கர்களை அதிகாரிகள் பரிசோதிக்கும் வீடியோ வைராகியுள்ளது

சென்னை: கட்டுக் கட்டாக பணம், தங்க குவியல்களை யாரோ அதிகாரிகள் சரி பார்க்கும் வீடியோ தற்போது வைரலாகியுள்ளது.

சசிகலாவின் உறவினர்கள் மற்றும் ஆதரவாளர்களின் வீடுகளில் கடந்த வாரம் வருமான வரித் துறை அதிகாரிகள் ரெய்டு நடத்தினர். அப்போது ஏராளமான நகைகள், ஆவணங்களை பறிமுதல் செய்தனர்.

இதேபோல் ஜெயலலிதாவின் இல்லத்திலும் ஏதேனும் பதுக்கி வைத்திருக்கலாம் என்ற அடிப்படையில் கடந்த வெள்ளிக்கிழமை அதிகாரிகள் சோதனை செய்தனர். அப்போது டெம்போ முழுவதும் ஏதோ சில ஆதாரங்களை அதிகாரிகள் அள்ளிச் சென்றதாக கூறப்படுகிறது. அது ஒரு புறம் இருக்கட்டும்.

பூமிக்குள் புதைப்பு

அளவுக்கு அதிகமாக சொத்து சேர்க்கும் பெரிய பணக்காரர்கள் கணக்கில் வராத பணம், நகைகளை பூமிக்கு அடியிலோ அல்லது பாதாள அறையிலோ புதைத்து வைப்பது வழக்கம். அது இருக்கும் இடம் அந்த குறிப்பிட்ட நபரை தவிர்த்து யாருக்கும் தெரியாது.

எங்கே எடுக்கப்பட்டது?

இந்த நிலையில் ஒரு வீடியோ, புகைப்படங்கள் வெளியாகியுள்ளது. அதில் ரகசிய அறையில் வங்கிகளில் இருப்பதை போன்று சிறிய சிறிய லாக்கர்கள் ஏராளமாக கிடக்கின்றன. இதுகுறித்து போட்டோ, வீடியோ வைரலாகியுள்ளது.

நகைக்கடையா

பெரும் பணக்காரர்களை போல் பெரிய நகைக்கடைக்காரர்களும் தங்களிடம் தேவைக்கு அதிகமாக கணக்கில் வராமல் உள்ள பணம், நகையை பூமிக்கடியிலோ அல்லது ரகசிய அறைகளிலோ புதைத்து வைப்பது வழக்கம். எனவே வீடியோவில் உள்ள இடம் வீடா அல்லது நகைக்கடையா என்பது தெரியவில்லை. போட்டோவில் இருப்பவர்கள் வருமான வரித் துறை அதிகாரிகளா என்றும் தெரியவில்லை.

எவ்ளோ நகை?

அந்த அறையிலிருந்து எடுக்கப்பட்ட நகைகளை குவியல் குவியலாக வைத்துள்ளது போன்ற வீடியோவும் வெளியாகியுள்ளது. அதில் ஒரு மூட்டையை பிரித்தால் அதில் ஏராளமான வளையல்களும், மறு மூட்டையை பிரித்தால் ஏராளமான நகைகளும், மற்றொரு மூட்டையில் இன்னும் ஏராளமான நகை என கூறு கட்டி வைக்கப்பட்டுள்ளது.

யாருடையது?

ஒரு சாக்கு பை முழுவதும் பணம் நிரம்பியுள்ளது போன்ற வீடியோவும் வெளியாகியுள்ளது. அதில் புதிதாக அச்சடிக்கப்பட்ட ரூ.2000 நோட்டுகளும், ரூ.500 நோட்டுகளும் பண்டல் பண்டலாக வைக்கப்பட்டுள்ளது. இது யாருடைய பணம், நகை என்பது போன்ற விவரங்களும் ஏதும் இல்லை. ஆனால் இந்த வீடியோக்களும், போட்டோக்களும் வைரலாகியுள்ளது.

English summary

Somewhere some officials searches in the under ground room. They found bundles of jewels and multi crores of money.