"இந்தியன் தாத்தா"வைப் பாத்திருப்பீங்க.. கமல் தாத்தாவைப் பாத்திருக்கீங்களா.. வந்து பாருங்க!
சென்னை: கமல்ஹாசன் எப்போதுமே எவர்கிரீன் ஹீரோதான், ரசிகர்களைப் பொறுத்தவரை.. இந்த நிலையில் ஒரு தாத்தாவாக பெருமிதம் பொங்கும் முகத்துடன் கூடிய கமல்ஹாசனைத் தரிசிக்கும் வாய்ப்பு அவரது பேஸ்புக் பக்கம் போனவர்களுக்குக் கிடைத்திருக்கும்.
கமல்ஹாசனின் பேஸ்புக் பக்கத்தில் கண்ட காட்சி இது. அப்புகைப்படத்தில் கமல்ஹாசனின் 2வது சகோதரர் சந்திரஹாசன் இருக்கிறார். அவருக்கு அருகே அவரது மகன் நிர்மல் ஹாசன் இருக்கிறார். இந்தப் பக்கம் கமல்ஹாசன்.
நிர்மல் ஹாசனுக்கும், கமல்ஹாசனுக்கும் நடுவே ஒரு குட்டிப் பையன். பெயர் சித்தார்த் ஹாசன். இது நிர்மலின் பையன், அதாவது சந்திரஹாசனின் பேரன்.
தனது அண்ணன் பேரனை தூக்கி அணைத்தபடி பெருமையுடன் புன்னகை பூத்தபடி நிற்கிறார் சின்னத் தாத்தா கமல்.
ஹாசன் வீட்டு ஆண்கள் அனைவரும் கூடியுள்ளோம்... திருவாளர் சாருஹாசனைத் தவிர என்றும் அதற்குத் தலைப்பிட்டுள்ளார் கமல்ஹாசன்.