இலவசம் என்ற வார்த்தையையே தமிழ் அகராதியில் இருந்து நீக்க வேண்டும்: சீமான் ஆவேசம்

திருவள்ளூர்: இலவசங்களை முற்றிலும் ஒழிக்க வேண்டும். ஏன் இலவசம் என்ற வார்த்தையையே தமிழ் அகராதியில் இருந்து நீக்க வேண்டும் என நாம் தமிழர் கட்சி தலைவர் சீமான் தெரிவித்துள்ளார்.

திருவள்ளூர் மாவட்டத்தில் உள்ள குமணன்சாவடியில் நாம் தமிழர் கட்சியின் தேர்தல் பிரச்சார பொதுக்கூட்டம் நடைபெற்றது. கூட்டத்தில் அக்கட்சியின் தலைவர் சீமான் கலந்து கொண்டார்.

வரும் சட்டசபை தேர்தலில் திருவள்ளூர் மாவட்டத்தில் நாம் தமிழர் கட்சி சார்பில் போட்டியிடும் வேட்பாளர்களை அவர் அறிமுகம் செய்து வைத்தார். அப்போது பேசிய அவர் கூறுகையில்,

இலவசங்களை முற்றிலும் ஒழிக்க வேண்டும். ஏன் இலவசம் என்ற வார்த்தையையே தமிழ் அகராதியில் இருந்து நீக்க வேண்டும். அனைவருக்கும் தரமான கல்வி வழங்குவது, படிப்பிற்கு தகுந்த வேலை, ஊதியம், அதன் மூலம் பெருமையான வாழ்வு ஆகியவற்றை அளிப்பதே எங்கள் கனவு என்றார்.

English summary

Naam Tamilar chief Seeman said that the word freebies should be removed from tamil dictionary.