இடதும் இல்லை வலதும் இல்லை.. மய்யம் என்பது சுத்த பைத்தியகாரத்தனம்... கமலை வாரும் சீமான்
கமல்ஹாசனின் நடுநிலை கொள்கையை சாடியுள்ளார் சீமான். மய்யம் என்பது சுத்த பைத்தியகாரத்தனம் என்கிறார் சீமான்,
சென்னை: தாம் இடதுசாரியும் இல்லை..வலது சாரியும் இல்லை இடையில் மய்யம் என்பது சுத்த பைத்தியகாரத்தனம் என கமல்ஹாசனை வாரியுள்ளார் நாம் தமிழர் கட்சியின் தலைமை ஒருங்கிணைப்பாளர் சீமான்.
மக்கள் நீதி மய்யம் எனும் கட்சியைத் தொடங்கியுள்ளார் கமல்ஹாசன். இந்நிகழ்ச்சியின் தொடக்க விழாவில் பேசிய கமல், தாம் வலதுசாரியும் இல்லை இடதுசாரியும் இல்லை, இடையில் மய்யம் எனக் குறிப்பிட்டார்.
இது தொடர்பாக சன் நியூஸ் தொலைக்காட்சிக்கு அளித்த நேர்காணலில் சீமானிடம் கேள்வி எழுப்பப்பட்டது. இதற்கு, அப்படி ஒன்று இருக்கவே முடியாது...அது சுத்த பைத்தியகாரத்தனம் என விமர்சித்தார் சீமான்.
கமல்ஹாசன் கட்சியை தொடங்குவதற்கு முன்பாக அரசியல் தலைவர்கள் பலரையும் சந்தித்து வாழ்த்து பெற்றார். சீமானையும் நேரில் சந்திக்க கமல் விரும்பினார்.,
ஆனால் சீமானோ, கமல்ஹாசன் வீட்டுக்கு நேரில் சென்று தமது வாழ்த்தை தெரிவித்தார். அப்போது, மூத்தவரான கமல்ஹாசனை நான் நேரில் சென்று சந்திப்பதுதான் பண்பாடு என சீமான் கூறியிருந்தார் என்பது குறிப்பிடத்தக்கது.