செம்மொழித் தமிழாய்வு மத்திய நிறுவனப் பணியாளர்களின் உண்ணாவிரதத்தில் சீமான்

சென்னை: 10 அம்ச கோரிக்கைகளை வலியுறுத்தி தொடர்ந்து உண்ணாநிலைப் போராட்டம் நடத்தி வரும் செம்மொழித் தமிழாய்வு மத்திய நிறுவனப் பணியாளர்களுக்கு நாம் தமிழர் கட்சி தலைவர் சீமான் ஆதரவு தெரிவித்துள்ளார்.

செம்மொழித் தமிழாய்வு மத்திய நிறுவனப் பணியாளர்கள் சங்கம் 10 அம்ச கோரிக்கைகளை முன் வைத்து தொடர் உண்ணாநிலைப் போராட்டம் நடத்தி வருகின்றனர். முதல் இரண்டு நாள் உள்ளிருப்புப் போராட்டம் நடத்தினர். நிர்வாகமோ, மத்திய, மாநில அரசுகளோ பேச்சுவார்த்தைக்கு முன்வராத நிலையில் போராட்டத்தின் மூன்றாம் நாளிலிருந்து தொடர் உண்ணாநிலைப் போராட்டம் நடத்தி வருகின்றனர்.

இது குறித்து பணியாளர்கள் சங்கத் தலைவர் முனைவர் அ.ஆரோக்கியதாசு வெளியிட்டுள்ள செய்திக்குறிப்பில் கூறியிருப்பதாவது,

பணி நிரந்தரம், தினக்கூலி முறைமையை முற்றிலுமாக ஒழித்தல், பேறுகாலத்திற்குச் சென்றமைக்காக பணிநீக்கம் செய்யப்பட்ட திருமதி. கல்பனா என்ற பணியாளரை மீண்டும் பனியில் சேர்த்தல், தமிழறிஞரை நிரந்தர இயக்குநராக நியமித்தல், நிதியை முழுமையாக பயன்படுத்துதல் உள்ளிட்ட 10 கோரிக்கைகளை மையப்படுத்தி பணியாளர்கள் தொடர்ந்து 7வது நாளாக தொடர் உன்ணாநிலையிருந்து வருகின்றனர். ஆனால் மத்திய, மாநில அரசுகளோ நிர்வாகமோ இதுவரை முறையான பேச்சுவார்த்தை நடத்தவில்லை.

தமிழகத்தின் தமிழ் இயக்கங்கள் மற்றும் தமிழ் உணர்வாளர்கள் தலையிட்டு நிர்வாக அதிகாரிகளிடம் நடத்திய பேச்சுவார்த்தையின்படி பணியாளர்களின் கோரிக்கை நிர்வாகத் தரப்பில் பேசப்பட்டது. பணியாளர் சங்கம், நிர்வாகம், தமிழ் இயக்கங்கள் முன்னிலையில் பேச்சப்பட்ட பேச்சுவார்த்தையின் உடன்பாட்டு ஒப்பந்தம் பேசியபடி நிர்வாகத் தரப்பில் கொடுக்காததால் இன்று(நேற்று) முடிவிற்கு வரயிருந்த உண்ணாநிலை அறப்போராட்டம் மீண்டும் தொடர்கிறது.

உடன்பாட்டு ஒப்பந்தம் எழுத்துப்பூர்வமாக கிடைக்கும் வரை இப்போராட்டம் தொடரும். முன்னுக்குப்பின் பிறழ்ந்து பிறழ்ந்து பேசிவரும் நிர்வாகத்தைக் கண்டித்தும் ஒப்பந்தத்தை கொடுக்க வலியுறுத்தியும் பணியாளர்கள் சங்கத்திற்கு ஆதரவாக 28.10.2013 அன்று காலை பல்வேறு தமிழமைப்புகளும் தொழிலாளர் இயக்கங்களும், நாம் தமிழர் கட்சியும் இன்னும் பிற இயக்கங்களும் நிர்வாகத்தைக் வழியுறுத்த இருக்கின்றனர். எனவே பணியாளர்களின் அடிப்படை வாழ்வுரிமைக் கோரிக்கைகளையும் தமிழினக் கோரிக்கைகளையும் மத்திய மாநில அரசுகள் தலையிட்டு நிறைவேற்றித் தர முன் வர வேண்டும் என்று கோரிக்கை வைக்கின்றோம்.

English summary

The employees of Central Institute of Classical Tamil are on hunger strike puttingforth 10 demands.