ரஜினியின் தனிக்கட்சி... 'தகதக' தமிழக அரசியல் கட்சிகள்- சிதறி சின்னாபின்னமாகும்!

தனிக்கட்சி தொடங்கும் ரஜினிகாந்துடன் திமுக, காங்கிரஸ் உள்ளிட்ட பல கட்சிகளின் தலைவர்கள் கை கோர்க்க உள்ளதாக தகவல்கள் வெளியாகி பரபரப்பை ஏற்படுத்தியுள்ளது.

சென்னை: நடிகர் ரஜினிகாந்த் தனிக்கட்சி தொடங்க உள்ள நிலையில் தமிழக அரசியல் கட்சி தலைவர்கள் பலரும் பீதியில் உறைந்து போயுள்ளதாகவே கூறப்படுகிறது. திமுக, காங்கிரஸ் உட்பட பல கட்சிகளில் அதிருப்தியில் இருக்கும் தலைவர்கள் ரஜினி கட்சிக்கு தாவ வாய்ப்புள்ளதாக கூறப்படுகிறது.

தமிழக அரசியலில் கால்நூற்றாண்டு காலமாக வருகிறேன்... வருகிறேன் என போக்கு காட்டி வந்த ரஜினிகாந்த் இப்போது களம் அமைத்துவிட்டார்... தனிக்கட்சி தொடங்கி அரசியலில் இறங்குவதில் படுமும்முரமாக இருக்கிறார் ரஜினிகாந்த்.

ஜூலை அல்லது டிசம்பரில்?

ஜனாதிபதி தேர்தல் முடிவடைந்து தமிழகத்தில் ஆட்சி கலைக்கப்பட்டால் தமது அரசியல் பிரவேசத்தையும் ரஜினி அப்போது அறிவிக்கலாம். அல்லது டிசம்பர் 12-ந் தேதி தமது பிறந்த நாளின் போது அரசியல் பிரவேசமான போர் பிரகடனத்தை ரஜினி வெளியிடலாம்.

பாஜகவில் சேராதீங்க...

தனிக்கட்சி தொடங்குவதில் உறுதியாக இருக்கும் ரஜினிகாந்துடன் இப்போது திமுக, காங்கிரஸ், அதிமுக உள்ளிட்ட கட்சிகளின் அதிருப்தி தலைவர்கள் பேச்சுவார்த்தை நடத்தி வருகின்றனர். இவர்களைப் பொறுத்தவரையில் பாஜகவில் மட்டும் சேராதீங்க... அந்த கட்சியை கூட்டணியில் மட்டும் சேர்த்து கொள்ளலாம் என்பதுதான் பிரதான கோரிக்கை.

அதிருப்தி கோஷ்டிகள்

இதனால்தான் ரஜினிகாந்த் பாஜகவில் இணைவதில்லை என திடமான முடிவில் இருக்கிறாராம். திமுகவில் ஒவ்வொரு மாவட்டத்திலும் ஒரு அதிருப்தி கோஷ்டி இருக்கிறது.. காங்கிரஸ் கட்சியைப் பொறுத்தவரை கோஷ்டிகளுக்கும் அதிருப்திகளுக்கும் பஞ்சமே இல்லை.

பீதியில் கட்சி தலைவர்கள்

இதுபோல பிற கட்சிகளில் அதிருப்தியில் இருக்கும் தலைவர்கள் பலரும் ரஜினிகாந்துடன் கை கோர்ப்பதில் மும்முரமாக இருக்கின்றனர். குறிப்பாக திமுக, காங்கிரஸின் மூத்த தலைவர்கள் சிலர் ரஜினி கட்சிக்கு தாவக் கூடும் என்பதால் பீதியில் உறைந்து போயுள்ளனர் அக்கட்சி தலைவர்கள்.

English summary

Senior leaders from political parties will join hands with Super Star Rajinikanth.