நடிகர், நடிகைகள் அந்தரங்க போட்டோக்கள் வெளியிட்ட பாடகி சுசித்ரா டிவிட்டர் கணக்கு திடீர் நீக்கம்
சென்னை: பாடகி சுசித்ராவின் டிவிட்டர் கணக்கு நீக்கப்பட்டது.
சினிமா பிரபலங்களின் அந்தரங்க போட்டோக்களை வெளியிட்டு பரபரப்பு கிளப்பி வந்தது சுசித்ராவின் டிவிட்டர் தளம். ஆனால் அது ஹேக் செய்யப்பட்டுவிட்டதாக சுசித்ரா சில தொலைக்காட்சி சேனல்களுக்கு அளித்த போன் பேட்டியில் தெரிவித்திருந்தார். அதேநேரம், இன்று காலைவரை அந்த அக்கவுண்டிலிருந்து பல டிவிட்டுகள் வெளியாகின.
நாள், தேதி குறித்து மேலும் பல போட்டோக்களை வெளியிட உள்ளதாக அதில் கூறப்பட்டிருந்தது. இதனால் சினிமா உலகமே பரபரத்தது. இந்நிலையில், @suchitrakarthik என்ற பெயரிலான அந்த டிவிட்டர் கணக்கு நீக்கப்பட்டுள்ளது. காவல்துறை மூலம் இந்த நடவடிக்கை எடுக்கப்பட்டிருக்கும் என்று கூறப்படுகிறது.
இதன் மூலம், கடந்த சில நாட்களாக நிலவி வந்த பரபரப்பு சற்று அடங்கியுள்ளது. அதேநேரம், சம்மந்தப்பட்ட நடிகர், நடிகைகளில் யாரும் போலீசாரை வெளிப்படையாக அணுகியதாக இதுவரை தகவல் வெளியாகவில்லை.
Click it and Unblock the Notifications
Sign in with Google