2021-ல் சசிகலாவை முதல்வராக்குவோம்.... இது 'சின்ன அம்மா' பேரவை சின்னதம்பியின் சபதம்
சிவகங்கை: 2021-ம் ஆண்டு சசிகலாவை முதல்வராக்குவோம் என்ற கோஷத்துடன் 'சின்ன அம்மா பேரவை'யை தொடங்கியுள்ளார் சிவகங்கை தமறாக்கி சின்னதம்பி.
அதிமுகவில் 'அம்மா' ஜெயலலிதாவுக்கு அடுத்து யார் என்றால் அனைவருமே கையை நீட்டுவது 'சின்னம்மா' சசிகலாதான்... ஜெயலலிதாவின் 35 ஆண்டுகால நெருங்கிய தோழி.
அதிமுகவின் அடுத்த பொதுச்செயலர், அடுத்த முதல்வர் என்றெல்லாம் அவ்வப்போது ஊகங்கள் வந்துவிழும்... ஆனாலும் அப்படி எதுவும் நிகழ்ந்துவிடவில்லை.
இந்த நிலையில் சிவகங்கை காந்திவீதியில் சின்ன அம்மா பேரவையை தமறாக்கியைச் சேர்ந்த சின்னதம்பி என்பவர் தொடங்கியிருக்கிறார். இவர்தான் சசிகலாவுக்கு "மன்னார்குடியின் மகராசியே" என பிறந்த நாள் போஸ்டர் ஒட்டியவர்.
தற்போது 2021-ம் ஆண்டு 'சின்னம்மாவை' முதல்வராக்கும் நோக்கத்தில்தான் இந்த பேரவையையே தொடங்கியிருக்கிறேன் என்கிறார் சின்னதம்பி. அத்துடன் சின்ன அம்மாவின் பெயரையும், புகழையும் தமிழகம் முழுவதும் கொண்டு செல்ல இருப்பதாகவும் கூறுகிறார் சின்னதம்பி.