கபாலியின் முதல் நாள் முதல் காட்சியை காண தியேட்டருக்கு வந்த சிவா, சித்து, அனிருத், சிவன்

சென்னை: கபாலி படத்தின் முதல் நாள் முதல் காட்சியை காண நடிகர்கள் சிவகார்த்திகேயன், சித்தார்த், இசையமைப்பாளர் அனிருத் மற்றும் இயக்குனர் விக்னேஷ் சிவன் வெற்றி தியேட்டருக்கு சென்றுள்ளனர்.

ரஞ்சித் இயக்கத்தில் ரஜினிகாந்த், ராதிகா ஆப்தே, தன்ஷிகா, தினேஷ் உள்ளிட்டோர் நடித்துள்ள கபாலி படம் இன்று ரிலீஸாகியுள்ளது. தமிழகத்தில் வழக்கமாக ரஜினி படத்தின் முதல் நாள் முதல் காட்சியை காணும் ரசிகர்களில் பலருக்கு இம்முறை டிக்கெட் கிடைக்காததால் அதிருப்தியில் உள்ளனர்.

In Vetri theatre wit @Siva_Kartikeyan @Actor_Siddharth @anirudhofficial and @VigneshShivN #KabaliFDFS #NerrupuDa 👍😊 pic.twitter.com/1xRuYWz7a9

— diamondsforever (@diamondbabu4) July 22, 2016

என்னடா, தலைவர் படம் ரிலீஸாகியும் இப்படி டிக்கெட் கிடைக்கவில்லையே என்ற கோபத்தில் உள்ளனர். கார்பரேட் நிறுவனங்கள் கபாலி டிக்கெட்டுகளை மொத்தமாக வாங்கிவிட்டன என்பது குறிப்பிடத்தக்கது.

இந்நிலையில் நடிகர்கள் சிவகார்த்திகேயன், சித்தார்த், இசையமைப்பாளர் அனிருத் மற்றும் இயக்குனர் விக்னேஷ் சிவன் ஆகியோர் கபாலி படத்தின் முதல் நாள் முதல் காட்சியை காண வெற்றி தியேட்டருக்கு சென்றுள்ளனர்.

இதற்கிடையே தங்கள் தலைவருக்கு கட்அவுட், பேனர்கள் வைக்க கெடுபிடி இருப்பதை பார்த்து ரசிகர்கள் அதிருப்தியில் உள்ளனர்.

English summary

Actors Sivakartikeyan, Siddharth, music director Anirudh and director Vignesh Shivan are watching FDFS of Kabali at Vetri theatre.