காஜல் அகர்வால், செருப்புக் கால்... ஸ்மார்ட் ரேஷன் கார்டில் இப்போ விநாயகர்... அடுத்து? - வீடியோ

ஸ்மார்ட் ரேஷன் கார்டில் புகைப்பட குளறுபடிகள் தினம்தினம் அரங்கேறி வருகிறது. நடிகை காஜல் அகர்வால், செருப்புக் கால் புகைப்படத்துக்கு அடுத்து ஸ்மார்ட் ரேஷன் கார்டில் நல்லசிவம் என்பவருக்கு விநாயகர் படம் அச

திருப்பூர்: ஸ்மார்ட் ரேஷன் கார்டில் குடும்பத் தலைவரின் புகைப்படத்துக்கு பதிலாக விநாயகர் படம் அச்சிடப்பட்டுக் கொடுக்கப்பட்டதால் பொதுமக்கள் அதிர்ச்சியடைந்துள்ளனர்.

தமிழக அரசு உணவுப் பொருள் வழங்கல் மற்றும் பாதுகாப்புத் துறையின் கீழ் ஸ்மார்ட் ரேஷன் கார்டு வழங்கும் பணி நடைபெற்று வருகிறது.

உடுமலைப்பேட்டை அருகேயுள்ள வடுகபாளைஅத்தைச் சேர்ந்தவர் நல்லசிவம். அவருக்கு வழங்கப்பட்ட ஸ்மார்ட் ரேஷன் கார்டில், அவருடைய புகைப்படத்துக்கு பதிலாக விநாயகர் படம் அச்சிடப்பட்டிருப்பதைக் கண்டு அதிர்ச்சி அடைந்தார்.

அதையடுத்து நல்லசிவம் உணவு வழங்கல் துறை அதிகாரிகளை அணுகி, புகைப்படத்தை மாற்றும் பணியில் ஈடுபட்டு வருகிறார். சேலம், ஓமலூரைச் சேர்ந்த சரோஜா என்பவருக்கு, நடிகை காஜல் அகர்வால் புகைப்படம் அச்சிடப்பட்டுக் கொடுக்கப்பட்டது.

அந்த சர்ச்சையின் பரபரப்பு அடங்குவதற்குள் தர்மபுரி, போசிநாயக்கன் அள்ளியைச் சேர்ந்த மகேஷ் என்பவருக்கு செருப்புக் கால் அணிந்த புகைப்படம் அச்சிடப்பட்ட ஸ்மார்ட் ரேஷன் கார்டு வழங்கப்பட்டது.

அந்த பரபரப்பு அடங்குவதற்குள் விநாயகர் படம் அச்சிடப்பட்ட ஸ்மார்ட் ரேஷன் கார்டு கொடுக்கப்பட்டுள்ளது. கவனக்குறைவு இயல்பு தான் என்றாலும் நடிகை, விநாயகர் என அச்சிட்டுக் கொடுப்பது அதிர்ச்சியாக உள்ளது என பொதுமக்கள் கவலை தெரிவிக்கின்றனர்.

English summary

In Smart Ration card confusion continuing. This time instead of head of the family photo, Vinayagar photo was printed.