கலாமுக்கு அஞ்சலி செலுத்த செல்ல மதுரை டூ ராமேஸ்வரத்திற்கு சிறப்பு ரயில்கள்
மதுரை: மறைந்த மக்களின் ஜனாதிபதி அப்துல் கலாமின் இறுதிச் சடங்கையொட்டி மதுரையிலிருந்து ராமேஸ்வரத்திற்கு நாளை சிறப்பு ரயில் இயக்கப்படுகிறது.
நாளை, ஒரு நாள் மட்டும், மதுரையில் இருந்து ராமேஸ்வரத்திற்கு காலை 7.30 மணிக்கு சிறப்பு ரயில் புறப்பட்டு காலை 10.30 மணிக்கு ராமேஸ்வரம் சென்று சேரும். இந்த ரயில் ராமேஸ்வரத்தில் இருந்து பிற்பகல் 2 மணிக்கு புறப்பட்டு மதுரைக்கு மாலை 5 மணியளவில் வந்து சேரும்.
மதுரை ராமேஸ்வரம் ரயிலில் நாளை கூடுதல் பெட்டிகள்...
இதேபோல நாளை, ஜூலை 30 ஆம் தேதி ( வியாழன் ) ஒரு நாள் மட்டும், மதுரையில் இருந்து காலை 6.55 மணிக்கு புறப்படும் ராமேஸ்வரம் பாசஞ்சர் மற்றும் ராமேஸ்வரத்தில் இருந்து மதியம் 1 மணிக்கு புறப்படும் மதுரை பாசஞ்சர் ரயில்களில் கூடுதலாக நான்கு இரண்டாம் வகுப்பு பெட்டிகளும் ஒரு சரக்கு பெட்டியுடன் இணைந்த பயணிகள் பெட்டியும் ( மொத்தம் 5 பெட்டிகள் ) இணைக்கப்படும் என்று தெற்கு ரயில்வே தெரிவித்துள்ளது.
Click it and Unblock the Notifications
Sign in with Google