'ஈட்டி' நாயகி ஸ்ரீதிவ்யா தமிழக வெள்ள நிவாரண நிதிக்கு ரூ 10 லட்சம் நன்கொடை

சென்னை: வருத்தப்படாத வாலிபர் சங்கம் படத்தின் மூலம் அறிமுகமான நடிகை ஸ்ரீதிவ்யா
தமிழ்நாடு வெள்ள நிவாரணத்திற்கு ரூ 10 லட்சத்தை நன்கொடையாக வழங்கி இருக்கிறார்.

வருத்தப்படாத வாலிபர் சங்கம், ஜீவா, வெள்ளைக்காரதுரை மற்றும் காக்கிச்சட்டை போன்ற படங்களில் நடித்து தமிழ் சினிமாவில் தனக்கென்று ஒரு இடத்தைப் பிடித்தவர் ஸ்ரீதிவ்யா. இவர் தற்போது பென்சில், கஷ்மோரா, மருது, கார்த்தி திவ்யா மற்றும் பலர் போன்ற படங்களில்
நடித்து வருகிறார். கனத்த மழையால் பாதிக்கப்பட்ட தமிழக மக்களுக்கு நடிகர், நடிகையர்
பலரும் உதவி வருகின்றனர்.

இந்நிலையில் நடிகை ஸ்ரீதிவ்யாவும் தமிழக வெள்ள நிவாரணத்திற்கு ரூ 10 லட்சத்தை
நன்கொடையாக வழங்கி இருக்கிறார். ஸ்ரீதிவ்யாவின் இந்த செயலுக்கு சமூக வலைதளங்களில் பலரும் அவரைத் தொடர்ந்து பாராட்டி வருகின்றனர்.

ஸ்ரீதிவ்யா, அதர்வா முரளியுடன் இணைந்து நடித்திருக்கும் ஈட்டி திரைப்படம் வருகின்ற 11 ம்
தேதி வெளியாகிறது.

English summary

Young Actress Sridivya Donates 10 Lakhs for Tamil Nadu Chief Minister Public Flood Relief Fund.