மு.க.ஸ்டாலினை வீடு தேடி போய் சந்தித்த 'வாழும் கலை' ஸ்ரீஸ்ரீ ரவிசங்கர்...

By Mathi

Updated: Wednesday, February 10, 2016, 16:04 [IST]

Subscribe to Oneindia Tamil

சென்னை: திமுக பொருளாளர் மு.க.ஸ்டாலினை வாழும் கலை அமைப்பின் நிறுவனர் ஸ்ரீஸ்ரீ ரவிசங்கர் இன்று திடீரென சந்தித்து பேசினார்.

தமிழக சட்டசபை தேர்தல் நடைபெறும் நிலையில் பரபர சந்திப்புகள் நிகழ்ந்து கொண்டிருக்கின்றன. சென்னையில் முகாமிட்டுள்ள காஷ்மீர் முன்னாள் முதல்வர் பரூக் அப்துல்லா நேற்று கருணாநிதி, இன்று வைகோ ஆகியோரை சந்தித்தார்.

அதேபோல் சென்னை வருகை தந்துள்ள வாழும் கலை அமைப்பின் நிறுவனர் ஸ்ரீஸ்ரீ ரவிசங்கரை மதிமுக பொதுச்செயலர் வைகோ, ஹோட்டல் ஒன்றில் சந்தித்தார்.

இதனைத் தொடர்ந்து திமுக பொருளாளர் வீட்டுக்கு ஸ்ரீஸ்ரீ ரவிசங்கர் சென்று சந்தித்தார். ஸ்ரீஸ்ரீ ரவிசங்கரை வீட்டு வாசலில் நின்று வரவேற்ற ஸ்டாலின் அவருக்கு பொன்னாடை அணிவித்தார். இதனைத் தொடர்ந்து இருவரும் அரசியல் நிலவரம் உள்ளிட்டவை குறித்து பேசியதாக தெரிகிறது.