வைகோவை திமுகவினர் தடுத்து நிறுத்தியது கண்டனத்துக்குரியது: வருத்தம் தெரிவிக்கிறேன் - மு.க.ஸ்டாலின்
திமுகவினர் வைகோவுக்கு எதிர்ப்புத் தெரிவித்தற்கு ஸ்டாலின் கண்டனமும், வருத்தமும் தெரிவித்துள்ளார்.
நாமக்கல்: உடல்நலம் பாதிக்கப்பட்டு மருத்துவமனையில் அனுமதிக்கப்பட்டுள்ள திமுக தலைவர் கருணாநிதியை நலம் விசாரிக்க வந்த மதிமுக பொதுச் செயலாளர் வைகோவுக்கு திமுகவினர் எதிர்ப்புத் தெரிவித்தற்கு ஸ்டாலின் கண்டனமும், வருத்தமும் தெரிவித்துள்ளார்.
இதுதொடர்பாக அவர் வெளியிட்டு அறிக்கையில், கருணாநிதியின் உடல் நலம் விசாரிக்க வந்த மதிமுக பொது செயலாளர் வைகோவை தடுத்து நிறுத்தியதை நான் கண்டிக்கிறேன். மருத்துவமனையில் நான் இல்லாத நேரத்தில் வைகோவுக்கு நேர்ந்த இந்த விரும்பத்தகாத சம்பவத்திற்கு வருத்தம் தெரிவித்து கொள்கிறேன்.
திமுகவிற்கு எதிரான பிரச்சாரங்களில் யார் ஈடுபட்டு வந்ததாலும் கழக தோழர்கள் அவர்களுக்கு எதிராக இது போன்ற செயல்களில் ஈடுபடுவது கருணாநிதி அவர்களுக்கோ, எனக்கோ எக்காலத்திலும் உடன்பாடானது அல்ல. கழகத்திற்கு எதிரான பிரச்சாரங்களை அரசியல் ரீதியாக ஜனநாயக முறையில் எதிர்கொள்ளும் சக்தி மிக்க தொண்டர்கள் நிறைந்த இந்த இயக்கத்தில் இது போன்ற செயல்களில் ஈடுபடுவதை கழக தோழர்கள் தவிர்த்து அமைதி காக்குமாறு கண்டிப்புடன் கேட்டு கொள்கிறேன். இவ்வாறு ஸ்டாலின் கூறியுள்ளார்.
Click it and Unblock the Notifications
Sign in with Google