‘இந்தியாவின் உண்மையான நண்பர்’... மீண்டும் இங்கிலாந்து பிரதமரான கேமரூனுக்கு ஸ்டாலின் வாழ்த்து
சென்னை: பொதுத் தேர்தலில் அமோக வெற்றி பெற்று மீண்டும் இங்கிலாந்து பிரதமராக உள்ள டேவிட் கேமரூனுக்கு திமுக பொருளாளர் மு.க. ஸ்டாலின் தனது வாழ்த்துக்களைத் தெரிவித்துள்ளார்.
கடந்த வாரம் நடைபெற்ற இங்கிலாந்து பொதுத் தேர்தலில், ஆளும் கன்சர்வேடிவ் கட்சி பெரும்பான்மை இடங்களை கைப்பற்றியதை அடுத்து, அக்கட்சித் தலைவர் டேவிட் கேமரூன் ( 48 ), இரண்டாவது முறையாக பிரதமராக உள்ளார்.
இந்நிலையில், தேர்தலில் வென்றுள்ள கேமரூனுக்கு, திமுக பொருளாளர் மு.க.ஸ்டாலின் தனது வாழ்த்துக்களைத் தெரிவித்துள்ளார். அதில் அவர் கூறியிருப்பதாவது:-
இங்கிலாந்து பொதுத்தேர்தலில் அமோக வெற்றி பெற்றுள்ள டேவிட் கேமரூனுக்கு எனது பாராட்டுக்களை தெரிவித்துக்கொள்கிறேன். பிரதமர் டேவிட் கேமரூன் இலங்கை தமிழர்களுக்கு ஆதரவாக இருப்பவர் மட்டுமின்றி இந்தியாவின் உண்மையான நண்பராகவும் திகழ்கிறார்.
தேர்தலில் அவர் வெற்றி பெற்றுள்ளதற்கு ஆசிய வம்சாவழி பாராளுமன்ற உறுப்பினர்களையும் நான் பாராட்டுகிறேன். அவர்களுடைய கடின உழைப்பிற்கு அவர்கள் வசிக்கும் நாட்டில் கிடைத்திருக்கும் வரவேற்பு மகிழ்ச்சிக்குரியதாக இருக்கிறது.
இவ்வாறு அதில் தெரிவிக்கப் பட்டுள்ளது.
Click it and Unblock the Notifications
Sign in with Google