மோடி, சந்திரபாபு நாயுடுவுக்கு ஸ்டாலின் வாழ்த்து

சென்னை: பிரதமராக பதவியேற்ற நரேந்திரமோடிக்கு திமுக பொருளாளர் ஸ்டாலின் வாழ்த்துகளை தெரிவித்துள்ளார்.

நாட்டின் 15வது பிரதமராக நரேந்திரமோடி பதவியேற்றுள்ளார். இந்நிலையில் ஸ்டாலின் தனது டுவிட்டர் வலைத்தளத்தில் கூறியுள்ளதாவது: தேசத்தின் 15வது பிரதமராக பதவியேற்றுள்ள நரேந்திரமோடிக்கும், அவரது அமைச்சரவை சகாக்களுக்கும் எனது வாழ்த்துக்களை தெரிவித்துக்கொள்கிறேன் என்று தெரிவித்துள்ளார்.

இதேபோல சீமாந்திராவின் முதல்வராக பதவியேற்க உள்ள சந்திரபாபு நாயுடுவுக்கு இன்று மதியம் தனது டுவிட்டர் வலைத்தளத்தில் ஸ்டாலின் வாழ்த்து தெரிவித்துள்ளார். அதில் " சீமாந்திராவின் முதல்வராக உள்ள சந்திரபாபு நாயுடுவுக்கு எனது வாழ்த்துக்களை தெரிவித்துக்கொள்கிறேன். சந்திரபாபு நாயுடுவின் தலைமையின்கீழ் அந்த மாநிலம் வளர்ச்சியடைய வாழ்த்துகிறேன்" என்று குறிப்பிட்டுள்ளார்.

English summary

"Congratulations to the nation's 15th Prime Minister narendramodi and his council of ministers" says DMK leader M.K.Stalin in his twitter page.