மு.க.ஸ்டாலினிடம் "நச்"சுன்னு 4 கேள்வி கேக்கனும்னு நினைக்கிறீங்களா.. உங்களுக்கு ஒரு சான்ஸ்!

Updated: Friday, July 10, 2015, 13:23 [IST]

Subscribe to Oneindia Tamil

சென்னை: திமுக பொருளாளர் மு.க.ஸ்டாலின் தனது இணையதளத்தில் ஒரு போட்டியை அறிவித்துள்ளார். அதில் கலந்து கொண்டு வெல்வோருக்கு மு.க.ஸ்டாலினை நேரில் சந்தித்து உரையாடும் வாய்ப்பு அளிக்கப்படும்.

இணையதளத்தின் சக்தியை மோடியின் வெற்றியைப் பார்த்துத்தான் இந்திய அரசியல் தலைவர்கள் பலரும் முழுமையாக புரிந்து கொண்டனர்.

எனவே இப்போது பல்வேறு தலைவர்களம் இணையதளத்தில் உலா வந்து கொண்டிருக்கிறார்கள். பேஸ்புக், டிவிட்டர், இணையதளம் என தமிழக தலைவர்களம் இப்போது இடம்மாறி கலக்கிக் கொண்டுள்ளனர்.

இந்த நிலையில் திமுக பொருளாளர் மு.க.ஸ்டாலினும், பேஸ்புக் மற்றும் இணையத்தில் தீவிரமாக உள்ளார். ஸ்டாலினின் இணையத்தில் ஒரு போட்டி இடம் பெற்றுள்ளது.

அதில் நாம் ஸ்டாலினுக்கு கேள்விகளை அனுப்ப வேண்டும். யார் சிறப்பாக கேள்வி கேட்கிறார்களோ அவர்களுக்கு ஸ்டாலினை நேரில் சந்தித்து அவரிடம் பேசும் வாய்ப்பு கிடைக்கும்.

இதற்கு ஒருவர் செய்ய வேண்டியது, இந்த இணையதளத்தில் உள்ள போட்டிப் பிரிவுக்குச் சென்று தங்களது கேள்வி, முழுப் பெயர், அலைபேசி எண், இமெயில் முகவரி, மாவட்டம், பின்கோடு உள்ளிட்ட விவரத்தை நிரப்பி அனுிப்பி வைக்க வேண்டியதுதான்.

சிறந்த ஐந்து பேர் தேர்வு செய்யப்பட்டு அவர்களுக்கு ஸ்டாலினை நேரில் சந்தித்து பேச வாய்ப்பு அளிக்கப்படும் என்று தெரிவிக்கப்பட்டுள்ளது.