அழகிரி கூறியது போல் ஸ்டாலின் ஒரு காமெடி பீஸ் தான்...: ராமராஜன் கிண்டல்

Published: Monday, February 22, 2016, 9:57 [IST]

Subscribe to Oneindia Tamil

திண்டுக்கல்: அழகிரி கூறியது திமுக பொருளாளர் ஸ்டாலின் ஒரு காமெடி பீஸ் தான் என நடிகரும், அதிமுக தலைமைக்கழக பேச்சாளருமான ராமராஜன் தெரிவித்துள்ளார்.

தமிழக சட்டசபைத் தேர்தல் நெருங்கி வருவதால், கட்சிக் கூட்டங்கள் களை கட்டத் தொடங்கியுள்ளன.

அந்தவகையில், திண்டுக்கல் அருகே கன்னிவாடியில் நடைபெற்ற அதிமுகக் கூட்டத்தில் நடிகர் ராமராஜன் கலந்து கொண்டு பேசினார்.

அப்போது அவர் கூறியதாவது:-

சினிமா காமெடி போல்...

அதிமுக அரசு மட்டுமே, எந்த நேரத்திலும் மக்களை சந்திக்கக் கூடியது. பிற கட்சியினர், தேர்தல் நேரத்தில் சினிமா காமெடி போல "நாங்களும் அரசியல் கட்சிகள்'தான் என பறைசாற்றிக்கொள்கின்றனர்.

தீவிரவாதத்தை ஏற்படுத்தியவர்...

மக்களுடன் கூட்டணி, தெய்வத்துடன் கூட்டணி எனக்கூறிய விஜயகாந்த் தற்போது மாநாடு நடத்துவது கூட்டம் காட்டி பேரம் பேசுவதற்காக மட்டுமே. சினிமாவில் இதுவரை மூன்றரை லட்சம் பேரை சுட்டுக்கொன்று, இளைய சமுதாயத்திடம் தீவிரவாத கலாசாரதத்தை ஏற்படுத்தியவர் அவர்.

புரியும்... ஆனா புரியாது

இந்தி பேசும் வடமாநிலத்தவரின் தமிழைக் கூட புரிந்து கொள்ள முடியும். ஆனால் விஜயகாந்தின் பேச்சில் தெளிவு இருக்காது.

நமக்கு நாமே டூர்...

மக்களிடம் கட்சியை ஞாபகப் படுத்துவற்காகவே, ஸ்டாலின் நமக்கு நாமே "டூர்' சென்றார். சொந்த சகோ தரரை அனுசரிக்க முடியாத ஸ்டாலின், எப்படி நாட்டு மக்களையும், கட்சி தொண்டர்களையும் அனுசரித்து செல்ல முடியும்.

காமெடி பீஸ்...

அழகிரி கூறியதைப்போன்று, அவர் ‘காமெடி பீஸ்'தான். கருணாநிதியைப்போன்று மானாட மயிலாட, பட்டிமன்றம், கலை நிகழ்ச்சி போன்ற வற்றில், ஜெயலலிதா நேரத்தை வீணடிப்பவர் அல்ல' என இவ்வாறு அவர் தெரிவித்தார்.

Published On February 22, 2016