ஸ்டாலின் அதிரடி.. ஜெ.வுக்கு முன்பாகவே பிரசாரத்தைத் தொடங்கினார்.. ஆர்.கே.நகரில்!

சென்னை: சட்டசபை தேர்தல் பிரசாரத்தை ஆர்.கே.நகர் தொகுதியில் இருந்து திமுக பொருளாளர் மு.க.ஸ்டாலின் தொடங்கியுள்ளார்.

சென்னை ஆர்.கே.நகர் தொகுதியில் அதிமுக வேட்பாளராக முதல்வர் ஜெயலலிதா போட்டியிடுகிறார். இத்தொகுதியில் திமுக வேட்பாளர் இன்னமும் அறிவிக்கப்படவில்லை.

இந்த நிலையில் மு.க.ஸ்டாலின் ஆர்.கே.நகர் தொகுதியில் இன்று தேர்தல் பிரசாரத்தை தொடங்கினார். ஆர்.கே.நகர் தொகுதிக்குட்பட்ட சி.ஜி. காலணி, ஜெ.ஜெ. காலணி, கொருக்குப்பேட்டை உள்ளிட்ட பல இடங்களில் வீடு வீடாக சென்று துண்டுபிரசுரங்களை விநியோகித்து உதயசூரியன் சின்னத்துக்கு வாக்கு சேகரித்தார்.

சென்னையில் நாளை முதல் ஜெயலலிதா பிரசாரத்தைத்தொடங்க உள்ளார். இந்த நிலையில் ஸ்டாலின் அவருக்கு முன்னதாக தேர்தல் பிரசாரத்தை சென்னையில் தொடங்கிவிட்டார்.

English summary

DMK treasurer MK Stalin start his election campagin on Friday.