தமிழகத்தில் ஆரோக்கிய அரசியல் திரும்புகிறது: ஸ்டாலின் சந்திப்பு குறித்து தமிழிசை கருத்து
சென்னை: தமிழக பா.ஜ.க தலைவர் தமிழிசை சவுந்தரராஜனை, திமுக பொருளாளர் ஸ்டாலின் சந்தித்து பேசினார். இதன்மூலம் தமிழகத்தில் ஆரோக்கியமான அரசியல் திரும்புவதாக தமிழிசை தெரிவித்துள்ளார்.
மு.க.ஸ்டாலின் இன்று காலையில் தமிழக காங்கிரஸ் கட்சித் தலைவர் ஈ.வி.கே.எஸ்.இளங்கோவன், தமிழ் மாநில காங்கிரஸ் கட்சித்தலைவர் ஜி.கே.வாசன் ஆகியோரை சந்தித்து மு.க.தமிழரசுவின் மகன் திருமணத்தில் கலந்து கொள்ளுமாறு அழைப்பு விடுத்தார். இதனையடுத்து கமலாலயத்திற்கும் சென்று பாஜக தலைவர் தமிழிசையை சந்தித்து திருமணத்தில் பங்கேற்க அழைப்பு விடுத்தார்.
இந்த சந்திப்புக்குப் பின்னர் செய்தியாளர்களிடம் பேசிய தமிழிசை சவுந்தரராஜன், தமிழகத்தில் ஆரோக்கியமான அரசியல் திரும்புவதாக கூறினார். அதிமுக ஆட்சியில் தமிழகத்தில் 90 சதவீதம் ஊழல் நிலவுகிறது. அதிமுக ஆட்சியில் நடக்கும் ஊழல் பற்றி காங்கிரஸ் கட்சித் தலைவர் இளங்கோவனின் புகார் சரியானது தான் என்றார். அதிமுகவை தமிழகத்தில் இருந்து விரைவில் அகற்ற வேண்டும் என்றும் அவர் கூறினார்.
Click it and Unblock the Notifications
Sign in with Google