தமிழக முதல்வருடன் மு.க.ஸ்டாலின், அழகிரி திடீர் சந்திப்பு.. முக்கிய ஆலோசனை
தமிழக முதல்வர் எடப்பாடி பழனிசாமியுடன் மு.க ஸ்டாலின், அழகிரி திடீர் சந்திப்பு நடத்தி இருக்கிறார்கள்.
சென்னை: தமிழக முதல்வர் எடப்பாடி பழனிசாமியுடன் மு.க ஸ்டாலின், அழகிரி திடீர் சந்திப்பு நடத்தி இருக்கிறார்கள்.
திமுக தலைவர் கருணாநிதியின் உடல்நிலை மோசமடைந்து இருக்கிறது. அவருக்கு மருத்துவர்கள் தீவிரமாக சிகிச்சை அளித்து வருகிறார்கள். காவேரி மருத்துவமனையில் அவர் 24 மணி நேர கண்காணிப்பில் சிகிச்சை பெற்றுவருகிறார்.
அவரது உடல்நிலை நிமிடத்திற்கு நிமிடம் மோசமாகி வருவதாக தகவல்கள் தெரிவிக்கிறது. வரிசையாக அவரை தலைவர் சந்தித்து வருகிறார்கள்.
இந்த நிலையில் தமிழக முதல்வர் எடப்பாடி பழனிசாமியுடன் மு.க ஸ்டாலின், அழகிரி திடீர் சந்திப்பு நடத்தி இருக்கிறார்கள். முதல்வர் பழனிச்சாமி இல்லத்திற்கு சென்று ஸ்டாலின், அழகிரி சந்திப்பு நடத்தினார்கள்.
கருணாநிதி உடல்நிலை மோசமாக இருக்கும் நிலையில் சந்திப்பு நடந்துள்ளது. இந்த சந்திப்பில் ஆ.ராசா, கனிமொழி, டி.ஆர் பாலு, ஆகியோர் பங்கேற்று இருந்தனர்.
பல முக்கியமான விஷயங்கள் குறித்து இதில் அவர்கள் உரையாடுவதாக கூறப்பட்டு இருக்கிறது. கருணாநிதி மருத்துவமனையில் அனுமதிக்கப்பட்டு இருக்கும் நிலையில் நடக்கும் சந்திப்பு பெரும் பரபரப்பை ஏற்படுத்தியுள்ளது.
கிரிஜா வைத்தியநாதன் சந்திப்பு:
இந்த சந்திப்பை முடித்துவிட்டு ஸ்டாலின் தமிழக தலைமை செயலாளர் கிரிஜா வைத்தியநாதனை சந்தித்துள்ளார். அவருடன் சில முக்கியமான ஆலோசனைகள் நடத்தியுள்ளார். அதன்பின் காவேரி மருத்துவமனைக்கு சென்ற ஸ்டாலின் மருத்துவமனை நிர்வாகிகளிடம் முக்கிய ஆலோசனை நடத்தினார்.