சேலத்தில் இருந்து ஸ்டாலின் ஆட்டம் 'ஸ்டார்ட்ஸ்'
சேலத்தில் இருந்து ஸ்டாலினின் ஆட்டம் ஆரம்பாகிவிட்டதாகவே தெரிகிறது.
சென்னை: சேலத்தில் இருந்து தமது ஆட்டத்தை மு.க. ஸ்டாலின் தொடங்கிவிட்டதை குறிப்பிடும் நிகழ்வுகள் அடுத்தடுத்து நடைபெற்று வருகின்றன.
சேலத்தில் இன்று எம்.எல்.ஏ. ராஜேந்திரன் இல்லத் திருமணத்தை ஸ்டாலின் நடத்தி வைத்தார். அப்போது பேசிய அவர், திமுகவிடம் 89 எம்.எல்.ஏக்கள் எனும் பந்து இருக்கிறது.
இந்த பந்தை கொண்டு வந்தால் ஆளுநர் என்ன நடவடிக்கை எடுப்பார்? பந்தை கொண்டு போகிறோமா? இல்லையா? என்பது சஸ்பென்ஸ் என கூறி பரபரப்பை ஏற்படுத்தியுள்ளார் ஸ்டாலின்.
இதனால் திமுகவின் 89 எம்.எல்.ஏக்களும் ராஜினாமா செய்வார்களா? அல்லது தினகரன் ஆதரவு எம்.எல்.ஏக்களுடன் புதிய ஆட்சி வருமா? என்கிற எதிர்பார்ப்பை எகிற வைத்துவிட்டார் ஸ்டாலின். இதையடுத்து உண்மையிலேயே கிரிக்கெட் விளையாடியும் அசத்திவிட்டார் ஸ்டாலின்.
சேலம் மாநகர திமுக முன்னாள் துணை செயலாளர் குணசேகரனின் விலோச்சனா கிரிக்கெட் நெட் மற்றும் ஸ்கூல்ஆப் அகாடமியை ஸ்டாலின் பார்வையிட்டார். அப்போது ஸ்டாலின் கிரிக்கெட் விளையாடினார்.
ஆக ஸ்டாலினின் ஆட்டம் ஸ்டார்ட்ஸ்!
Click it and Unblock the Notifications
Sign in with Google