ஸ்டாலினின் பயணம் ஒரு காமெடி டைம், அதனால் ஒரு பலனும் இல்லை: அழகிரி

By Siva

Published: Monday, October 5, 2015, 8:36 [IST]

Subscribe to Oneindia Tamil

சென்னை: திமுக பொருளாளர் மு.க. ஸ்டாலினின் நமக்கு நாமே பயணம் ஒரு காமெடி டைம். அதனால் ஒரு பலனும் இருக்காது என்று முன்னாள் மத்திய அமைச்சர் மு.க. அழகிரி தெரிவித்துள்ளார்.

திமுக பொருளாளர் மு.க. ஸ்டாலின் நமக்கு நாமே என்ற பயணத்தை மேற்கொண்டுள்ளார். அதன்படி அவர் மாநிலத்தின் பல்வேறு இடங்களுக்கு சென்று பொதுமக்களை சந்தித்து பேசி வருகிறார்.

இந்நிலையில் முன்னாள் மத்திய அமைச்சர் மு.க. அழகிரி ஞாயிற்றுக்கிழமை மதுரையில் இருந்து விமானம் மூலம் சென்னை வந்தார். விமான நிலையத்தில் அவர் செய்தியாளர்களுக்கு பேட்டி அளித்தார். செய்தியாளர்கள் கேட்ட கேள்விகளுக்கு அவர் பதில் அளித்தார்.

Stalin's travel is of no use: Says MK Azhagiri

மதிமுக நிர்வாகிகள் அந்த கட்சியில் இருந்து விலகி திமுகவில் சேர்ந்து வருவது பற்றி அழகிரியிடம் கேட்கப்பட்டது. அதற்கு அவர் கூறுகையில், நான் திமுகவில் இல்லை. அதனால் அது பற்றி எனக்கு தெரியாது என்றார்.

அப்போது செய்தியாளர்கள் ஸ்டாலினின் நமக்கு நாமே பயணம் பற்றி அவரிடம் கேட்டனர். அதற்கு அவர், அந்த பயணம் ஒரு காமெடி டைம். அதனால் ஒரு பலனும் இருக்காது என்று தெரிவித்தார்.

Published On October 5, 2015