15 மாவட்ட செயலாளர்களை நீக்க ஸ்டாலின் அதிரடி திட்டம்! மாணவர் அணி தலைவரும் மாற்றம்?
திமுக செயல் தலைவராகி உள்ள ஸ்டாலின் அதிரடியாக 15 மாவட்ட செயலர்களை மாற்ற முடிவு செய்துள்ளாராம். அத்துடன் திமுக மாணவர் அணிக்கு புதிய தலைவரையும் நியமிக்க உள்ளாராம்.
சென்னை: திமுகவின் செயல் தலைவராகியுள்ள ஸ்டாலின் அதிரடியாக 15 மாவட்ட செயலாளர்களை மாற்ற திட்டமிட்டுள்ளதாக கூறப்படுகிறது.
திமுக தலைவர் கருணாநிதி உடல்நலக் குறைவால் ஓய்வில் இருந்து வருகிறார். இதனால் திமுக செயல் தலைவராக ஸ்டாலின் நியமிக்கப்பட்டுள்ளார்.
15 மா.செ.க்கள் நீக்கம்
திமுகவை முழுவதும் தம் கட்டுப்பாட்டில் கொண்டுவந்துட்ட ஸ்டாலின் முதல் கட்டமாக 15 மாவட்ட செயலாளர்களை மாற்ற திட்டமிட்டுள்ளாராம். சட்டசபை தேர்தலின் போது உள்ளடி வேலைபார்த்ததால் இந்த 15 மாவட்ட செயலாளர்களை நீக்க முடிவு செய்துள்ளாராம்.
சந்திக்க மறுப்பு
இது தொடர்பான தகவல் அறிந்த அந்த 15 மாவட்ட செயலாளர்களும் ஸ்டாலினை சந்திக்க முயற்சித்து வருகின்றனர். ஆனால் ஸ்டாலின் தரப்போ அவர்களை சந்திக்க விரும்பவில்லை என தெரிவித்துவிட்டதாம்.
மாணவர் அணி தலைவர் மாற்றம்?
அதேபோல் திமுக மாணவர் அணியின் தலைவர் பதவியில் இருந்து கடலூர் இள. புகழேந்தியை நீக்கவும் ஸ்டாலின் முடிவு செய்துள்ளதாக அறிவாலய வட்டார தகவல்கள் தெரிவிக்கின்றன. அத்துடன் தம் வசம் உள்ள பொருளாளர் பதவியை வேறு ஒருவருக்கு விட்டுக் கொடுக்கவும் ஸ்டாலின் விரும்புவதாகவும் கூறப்படுகிறது.
பொருளாளர் பதவி யாருக்கு?
பொருளாளர் பதவியை எப்படியும் பெறுவது என்பதில் துரைமுருகன், எ.வ. வேலு, திண்டுக்கல் ஐ பெரியசாமி இடையே கடும் போட்டி இருக்கிறதாம். திமுகவில் ஸ்டாலின் மேற்கொள்ளப் போகும் அதிரடி மாற்றங்கள் அக்கட்சி தொண்டர்களிடையே பெரும் எதிர்பார்ப்பை ஏற்படுத்தி உள்ளது.
Click it and Unblock the Notifications
Sign in with Google