திமுக வேட்பாளர்கள்.. ஓங்கிய ஸ்டாலின் கை- கனிமொழி பரிந்துரைத்தவர்களுக்கு 'நோ சீட்'!!
சென்னை: லோக்சபா தேர்தலுக்கான திமுக வேட்பாளர்களில் பெரும்பாலானோர் மு.க .ஸ்டாலினின் ஆதரவாளர்கள் என்றும் கனிமொழி பரிந்துரைத்த எவரும் வேட்பாளராக அறிவிக்கப்படவில்லை என்றும் கூறப்படுகிறது.
லோக்சபா தேர்தலுக்காக 35 வேட்பாளர்களை திமுக நேற்று அறிவித்தது. இதில் 8 சிட்டிங் எம்.பிக்களுக்கு வாய்ப்பு கொடுக்கப்பட்டது. எஞ்சிய 27 பேரும் புதுமுகங்கள்.
பழனிமாணிக்கம்
இந்த வேட்பாளர் பட்டியலில் கனிமொழி பரிந்துரைத்த எவருக்கும் வாய்ப்பு கிடைக்கவில்லை. தஞ்சாவூர் தொகுதியை பழனி மாணிக்கத்துக்கு மீண்டும் கொடுக்க கனிமொழி கேட்டுக் கொண்டார். ஆனால் அங்கு ஸ்டாலின் ஆதரவாளர் டி.ஆர். பாலு நிறுத்தப்பட்டுள்ளார்.
கள்ளக்குறிச்சி செல்வநாயகம்
கள்ளக்குறிச்சியில் வன்னியர் சமூகத்தைச் சேர்ந்த செல்வநாயகத்தை கனிமொழி பரிந்துரைத்தார். ஆனால் துளுவ வேளாளர் சமூகத்தைச் சேர்ந்த மணிமாறன் என்பவருக்கு வாய்ப்பு அளிக்கப்பட்டுள்ளது.
தூத்துக்குடி ஜெயதுரை
தூத்துக்குடி ஜெயதுரைக்கு கனிமொழி பரிந்துரைத்திருந்தார். ஆனால் தூத்துக்குடி பெரியசாமியின் மகன் ஜெகனுக்கு வாய்ப்பு அளிக்கப்பட்டுள்ளது.
கன்னியாகுமரியில் கூடங்குளம் அணு உலை எதிர்ப்பு இயக்கத்தைத் தொடங்கிய மனோ தங்கராஜூக்கு கனிமொழி வாய்ப்பு அளிக்க பரிந்துரைத்தார். ஆனால் சுரேஷ்ராஜன் ஆதரவாளரான ராஜரத்தினம் வேட்பாளராக அறிவிக்கப்பட்டுள்ளார்.
கடலூர் செஞ்சி ராமச்சந்திரன்
அதேபோல் கடலூர் தொகுதியை செஞ்சி ராமச்சந்திரனுக்கு ஒதுக்க கோரினார் கனிமொழி. ஆனால் அதுவும் ஏற்கப்படவில்லை.
துர்கா ஸ்டாலின் ஆதிக்கம்?
மேலும் வட சென்னை கிரிராஜன், சேலம் உமாராணி ஆகியோர் வேட்பாளர்களாக அறிவிக்கப்பட்டதற்கு ஸ்டாலின் மனைவி துர்காதான் காரணம் என்றும் கூறப்படுகிறது.
ஜெ. வழக்கினால்..
ஜெயலலிதா மீதான சொத்துக் குவிப்பை வழக்கை சிறப்பாக கையாண்டு வருவதால் தர்மபுரி தொகுதி தாமரை செல்வனுக்கு மீண்டும் வழங்கப்பட்டுள்ளது.
அதிமுக, காங்கிரஸில் இருந்தவர்கள்
அதிமுகவில் இருந்து திமுகவுக்கு வந்த கரூர் சின்னசாமி, திண்டுக்கல் காந்திராஜன், கன்னியாகுமரி ராஜரத்தினம் ஆகியோருக்கும் வாய்ப்பு அளிக்கப்பட்டுள்ளது. காங்கிரஸ் கட்சியில் இருந்து திமுகவுக்கு வந்த நந்தகோபாலுக்கும் வாய்ப்பளிக்கப்பட்டுள்ளது.
Click it and Unblock the Notifications
Sign in with Google