சூப்பர் ஸ்டாருக்குப் பிறந்த நாள்... ரசிகர்களுக்கு பிரியாணி போட்டி வைத்த தலப்பாக்கட்டி!

சூப்பர் ஸ்டார் ரஜினிகாந்த்தின் பிறந்த நாளை ஒவ்வொரு தரப்பும் கிட்டத்தட்ட திருவிழா போல கொண்டாடிய நிலையில் பிரபலமான திண்டுக்கல் தலப்பாக்கட்டி ரெஸ்டாரென்ட் நிறுவனமும் ரசிகர்களுக்குப் போட்டி வைத்து பிரியாணி விருந்து படைத்தது.

அதன்படி இந்த நிறுவனத்தின் பேஸ்புக் பக்கத்தில் ஒரு போட்டி அறிவிக்கப்பட்டிருந்தது. அதில் ரஜினிகாந்த்தின் ஏதாவது ஒரு புகைப்படத்தை ஷேர் செய்து போட்டியில் கலந்து கொள்ளலாம். அதில் வெல்லுவோருக்கு பரிசாக நான்கு பொட்டலம் பிரியாணி மற்றும் 4 லிங்கா பட டிக்கெட் தரப்படும் என்றும் அறிவிக்கப்பட்டிருந்தது.

இந்த பிரியாணியை திண்டுக்கல் தலப்பாக்கட்டி ஹோட்டலின் ஏதாவது ஒரு கிளையில் பெற்றுக் கொள்ளலாம் என்றும் அறிவிக்கப்பட்டிருந்தது.

இதுதவிர தன் பங்குக்கு ரஜினிக்கு பிறந்த நாள் வாழ்த்துகளையும் தலப்பக்காட்டி பிரியாணி ஹோட்டல் நிறுவனம் தனது பேஸ்புக்கில் பதிவிட்டுள்ளது.

இந்தப் போட்டியில் கலந்து கொண்டு ரஜினியின் படங்களை பலரும் ஷேர் செய்துள்ளனர். விதம் விதமான ரஜினி படங்களுடன் அவர்கள் போட்டியில் ஜமாய்த்துள்ளனர். அதையும் தலப்பாகட்டி ஹோட்டல் பேஸ்புக்கில் பகிர்ந்துள்ளனர்.

சூப்பர்!

English summary

The Dindigul Thalappakatti announced a competition for super star Rajini's birthday.