பெயர் பலகையில் ஜெயலலிதா படம் சேர்ப்பு.. அதிமுகவினர் ஓட்டை வேட்டையாட டிஆர் வியூகம்?

டி ராஜேந்தர் தனது கட்சியின் பெயர் பலகையில் ஜெயலலிதா படத்தை சேர்த்திருப்பது அதிமுகவினரின் ஓட்டை வேட்டையாடவே என்ற பேச்சு எழுந்துள்ளது.

சென்னை: டி ராஜேந்தர் தனது கட்சியின் பெயர் பலகையில் ஜெயலலிதா படத்தை சேர்த்திருப்பது அதிமுகவினரின் ஓட்டை கவரவே என்ற பேச்சு எழுந்துள்ளது.

தமிழக முதல்வராக இருந்த ஜெயலலிதா கடந்த 2016ஆம் ஆண்டு டிசம்பர் 5 ஆம் தேதி உயிரிழந்தார் என அறிவிக்கப்பட்டது. இதையடுத்து ஜெயலலிதா பெயரை சொல்லி முதல்வராக ஆசைப்பட்டார் சசிகலா.

ஆனால் சொத்துக்குவிப்பு வழக்கின் தீர்ப்பு அவரது ஆசையில் மண்ணை வாரி போட்டது. இதைத்தொடர்ந்து ஈபிஎஸ் ஓபிஎஸ் தலைமையில் நடைபெற்றுவரும் ஆட்சி பாஜகவின் மறைமுக ஆட்சி என குற்றச்சாட்டுகள் எழுந்து வருகின்றன.

தீபாவின் பேரவை

ஜெயலலிதாவின் மறைவை சாதகமாக்கிக்கொள்ள அவரது அண்ணன் மகளான தீபா அரசியலில் குதித்தார். எம்ஜிஆர் அம்மா தீபா பேரவை என்ற பேரவையை தொடங்கினார்.

நடிகர்கள் அரசியல்

ஆனால் அவரது அரசியல் வருகை எதிர்ப்பார்த்த அளவுக்கு சோபிக்கவில்லை. இந்நிலையில் ஜெயலலிதாவின் மறைவை தொடர்ந்து நடிகர்கள் கமல்ஹாசன் ரஜினிகாந்த் ஆகியோர் தங்களின் அரசியல் அறிவிப்பை வெளியிட்டு வருகின்றனர்.

டி ஆர் முக்கிய அறிவிப்பு

நடிகர் கமல்ஹாசன் கட்சி பெயர் அறிவிப்பு, கட்சி சின்னம் அறிவிப்பு என தீவிர அரசியலில் இறங்கியுள்ளார். இந்நிலையில் லட்சிய திமுக தலைவரான டிஆர் இன்று முக்கிய அறிவிப்பு ஒன்றை வெளியிடப்போவதாக அறிவித்தார்.

ஜெ.படம் சேர்ப்பு

அதன்படி இன்று தனது கட்சியின் பெயர் பலகையை வெளியிட்ட அவர் அதில் ஜெயலலிதாவின் படத்தை சேர்த்துள்ளார். பெரியார், அண்ண, எம்ஜிஆர் படங்களுடன் ஜெயலலிதாவின் படத்தையும் தனது லட்சிய திமுக கட்சியின் பெயர் பலகையில் சேர்த்துள்ளார் டி ராஜேந்தர்.

வாக்கு வேட்டையாட

ஜெயலலிதாவுக்கு தமிழகத்தில் ஆண் வாக்காளர்களை காட்டிலும் பெண் வாக்காளர்கள் அதிகம். ஜெயலலிதாவின் படத்தை தனது கட்சியில் சேர்த்திருப்பதன் மூலம் டி ராஜேந்தர் ஜெயலலிதாவுக்கான வாக்குகளை வேட்டையாட வியூகம் வகித்துள்ளாரா என்ற கேள்வி எழுந்துள்ளது.

English summary

Jayalalitha photo added in the T Rajendar party board. T Rajendar latchiya DMK party has Jayalalitha photo. T Rajendar wants to hunt Jayalalitha's vote.