தாலுகா அலுவலக தற்காலிக பணியாளர் சிலிண்டரை வெடிக்க செய்து தற்கொலை

தென்காசி: தாலுகா அலுவலக தற்காலிக பணியாளர் வீட்டில் சிலிண்டரை வெடிக்க செய்து தற்கொலை செய்து கொண்டார். அதிர்ஷ்டவசமாக குடும்பத்தினர் உயிர்தப்பினர்.

தென்காசி எல்.ஆர்.எஸ்.பாளையம் பகுதியை சார்ந்தவர் சுப்புராஜ் மகன் ஐய்யப்பன். இவர் தென்காசி தாலுகா அலுவலகத்தில் தற்காலிக பணியாளராக பணிபுரிந்து வருகிறார்.

நேற்று இரவு இவர் தனது குடும்பத்தினரை திருப்பூருக்கு அனுப்பிவிட்டு ஐயப்பன் மட்டும் வீட்டில் தனியாக இருந்துள்ளார்.இந்நிலையில் நள்ளிரவு சுமார் 2.30.மணியளவில் அவரது வீட்டிலிருந்து பயங்கர சப்தம் கேட்டுள்ளது.இந்த சப்தத்தைக் கேட்ட அக்கம் பக்கத்தினர் ஓடிவந்துப் பார்த்துள்ளனர்.

அப்போது வீடு முழுவதும் பயங்கரமாக தீபிடித்து எரிந்துள்ளதைகண்டவர்கள் உடனடியாக போலீசாருக்கும்,தீயணைப்பு துறைக்கும் தகவல் தெரிவித்துள்ளனர்.விரைந்து வந்த அவர்கள் வீட்டின் கதவை உடைத்து உள்ளே சென்றப்போது வீட்டின் மையப்பகுதியில் எரிவாயு சிலிண்டர் தீபிடித்து கொண்டிருந்தது.

ஓட்டுவீடு இடிந்து விழுந்துள்ளது.தீயை அணைத்தவர்கள் இடிபாடுகளுக்கிடையே கருகிய நிலையில் ஐயப்பன் உயிருக்கு போராடிக் கொண்டிருந்ததை பார்த்து உடனடியாக அவரை நெல்லை மாவட்ட மருத்துவமனைக்கு அனுப்பிவைத்தனர்.

நெல்லை மருத்துவ மனைக்கு கொண்டு செல்லும் வழியில் அவர் பரிதாபமாக உயரிழந்தார்.இதுக் குறித்து அப்பகுதி மக்கள் கூறும் போது அய்யப்பனுக்கு அடிக்கடி வலிப்பு நோய் காரணமாக உடல்நலக்குறைவு ஏற்பட்டுள்ளது.

இதனால் மனமுடைந்த அவர் இந்த முடிவை எடுத்திருக்கலாம் என்று தெரிவித்தனர்.இதுக் குறித்து தென்காசி போலீசார் வழக்குப் பதிவு செய்து விசாரணை நடத்தி வருகின்றனர்.

English summary

Thenkasi Taluk temporary worker got suicide by opened the cylinder in house. Luckily the family members.