பொன் ராதாகிருஷ்ணனின் சொத்து மதிப்பு என்ன தெரியுமா...?

சென்னை: தமிழக பாஜக தலைவர் பொன். ராதாகிருஷ்ணன் தன்னிடம் ரூ. 3.99 கோடி மதிப்புள்ள சொத்துக்கள் இருப்பதாக தெரிவித்துள்ளார்.

கன்னியாகுமரி தொகுதியில் போட்டியிடும் பொன் ராதாகிருஷணன், வேட்பு மனுவுடன் சொத்துக்கள் குறித்த விவரத்தையும் தாக்கல் செய்துள்ளார். அதில் தனது சொத்து மதிப்பு ரூ. 3.99 கோடி என்று தெரிவித்துள்ளார்.

ஆற்காட்டார், வீரபாண்டியார், அன்பழகனார் என்ற வரிசையில், பொன்னார் என்று பாஜகவினரால் அன்புடன் அழைக்கப்படும் பொன் ராதாகிருஷ்ணனின் அசையும், அசைய சொத்துக்களின் சரியான மதிப்பு ரூ. 3 கோடியே 99 லட்சத்து 70 ஆயிரத்து 263 ஆகும்.

இதில் ராதாகிருஷணன் சம்பாதித்த சொத்துக்கள் ரூ. 27.22 லட்சம்தான். அதேசமயம் பெற்றோரிடமிருந்து அவருக்கு வந்த சொத்து மதிப்பு ரூ. 3 கோடியே 72 லட்சத்து 48 ஆயிரத்து 263 ஆகும்.

அவரிடம் ரொக்கமாக ரூ. 2 லட்சத்து 47 ஆயிரத்து 430 கையிருப்பு உள்ளதாம்.

பொன்னாரிடம், விவசாய நிலம், விவசாயம் அல்லாத நிலம், வணிக வளாகம் ஆகியவை உள்ளன.

அதேசமயம், அவரிடம் தங்க நகை எதுவும் இல்லை. கடனும் இல்லையாம்.

English summary

BJP's Tamil Nadu unit President, Pon Radhakrishnan, who is contesting the April 24 Lok Sabha polls from the Kanyakumari constituency, has declared assets of Rs 3.99 crore. Radhakrishnan, popularly known as "Ponnar" among political workers, has assets both movable and immovable properties valued at Rs 3,99,70,263, as per the affidavit filed by him with the State Election Commission.