அமைச்சரவை 11வது முறை மாற்றம்- சுகாதாரத்துறை அமைச்சராக டாக்டர் விஜயபாஸ்கர் நியமனம்

சென்னை: தமிழக அமைச்சரவை இன்று 11வது முறையாக மாற்றியமைக்கப்பட்டுள்ளது. சுகாதாரத் துறை அமைச்சராக டாக்டர் சி. விஜயபாஸ்கர் நியமிக்கப்பட்டுள்ளார்.

அமைச்சர் கே.சி. வீரமணி வசம் இருந்த சுகாதாரத் துறை பறிக்கப்பட்டு விராலிமலை எம்.எல்.ஏ. டாக்டர் சி.விஜயபாஸ்கர் வசம் ஒப்படைக்கப்பட்டுள்ளது.

பள்ளிக் கல்வி, விளையாட்டு மற்றும் இளைஞர் நலத்துறை கே.சி.வீரமணிக்கு ஒதுக்கப்பட்டுள்ளது. புதிய அமைச்சருக்கு நவம்பர் 1-ந் தேதி தமிழக ஆளுநர் பதவியேற்பு செய்து வைக்கிறார்.

தமிழகத்தில் 2011ம் ஆண்டு மே மாதம் நடந்த பொதுத்தேர்தலில் அதிமுக வெற்றி பெற்று, மே 16ம் தேதி முதல்வர் ஜெயலலிதா உள்பட 34 அமைச்சர்கள் பதவியேற்றனர். தற்போதுடன் சேர்த்து 11 முறை தமிழக அமைச்சரவை மாற்றி அமைக்கப்பட்டுள்ளது என்பது குறிப்பிடத்தக்கது.

English summary

Tamilnadu Chief Minister Jayalalithaa reshuffles her cabinet for eleventh time. Dr. Vijayabaskar, Viralaimalai MLA, has been given the subjects of Health, Medical Education and Family Welfare, which were held by Minister Veeramani.