அதிமுக 24, திமுக 5, பாஜக கூட்டணிக்கு 4 இடங்கள்: தந்தி டிவி எக்ஸிட் போல்

சென்னை: லோக்சபா தேர்தலில் தமிழகத்தில் அதிமுக 24 இடங்களிலும் திமுக 5 இடங்களிலும் பாரதிய ஜனதா கூட்டணிக்கு 4 தொகுதிகளும் கிடைக்கும் என்று தந்தி டிவி எக்ஸிட் போல் தெரிவித்துள்ளது.

16வது லோக்சபா தேர்தல் முடிவுகள் எப்படியாக இருக்கும் என்பதை நேற்று முதல் "தேர்தலுக்கு பிந்தைய கருத்து கணிப்பாக" ஊடகங்கள் வெளியிட்டு வருகின்றன. இதில் தந்தி டிவி, கிறிஸ் இன்போ மீடியாவுடன் இணைந்து 32 ஆயிரம் பேரிடம் நடத்திய எக்ஸிட் போல் முடிவுகள்:

அதிமுகவுக்கு 24

அதிமுகவுக்கு மொத்தம் 24 தொகுதிகள் கிடைக்கும். திருவள்ளூர், அரக்கோணம், வடசென்னை, காஞ்சிபுரம், கரூர், கிருஷ்ணகிரி, ஆரணி, சிதம்பரம், கள்ளக்குறிச்சி, நாமக்கல், ஈரோடு, பொள்ளாச்சி, திண்டுக்கல், பெரம்பலூர், கடலூர், மயிலாடுதுறை, நாகை, மதுரை, சேலம், தேனி, ராமநாதபுரம், நீலகிரி, திருப்பூர், சிவகங்கை ஆகிய தொகுதிகளில் அதிமுக வெல்லும்.

திமுகவுக்கு 5

திமுகவுக்கு 5 தொகுதிகள் கிடைக்கும். மத்திய சென்னை, வேலூர், ஸ்ரீபெரும்புதூர், நெல்லை, திருவண்ணாமலை ஆகிய தொகுதிகளை திமுக கைப்பற்றும்.

பாஜக அணிக்கு 4

பாரதிய ஜனதா தலைமையிலான கூட்டணிக்கு 4 தொகுதிகள் கிடைக்கும். பாஜக அணி கன்னியாகுமரி, விருதுநகர், தருமபுரி, புதுச்சேரி ஆகிய தொகுதிகளில் வெல்லும்.

7 தொகுதிகளில் இழுபறி

மேலும் விழுப்புரம், திருச்சி, தூத்துக்குடி, தஞ்சை, தென்காசி, கோவை, தென்சென்னை ஆகிய தொகுதிகளில் இழுபறி இருக்கும். இந்த 7 தொகுதிகளில் அதிமுக 5; பாஜக அணி 2 தொகுதிகளில் வெல்லும் வாய்ப்பு இருக்கிறது.

இவ்வாறு தந்தி டிவி கருத்து கணிப்பில் தெரிவிக்கப்பட்டுள்ளது.

English summary

The exit polls might have excited several crowded living rooms of the politically conscious families in Tamil Nadu but all the political parties have rubbished them as yet another fiasco by overrated psephologists. Thanthi TV had done “the largest sampling of 32,000 voters in Tamil Nadu” before coming out with its exit poll predictions late Monday night AIADMK would ‘certainly’ win 24 seats and could end up with a score of 29, DMK would get five and the NDA four and possibly another two.