எங்க சட்டையை எத்தனை பேர்தான் கழட்டுவீங்களோ? எம்எல்எ வெற்றிவேலிடம் குமுறிய போலீஸ்
தமிழக காவல்துறை அதிகாரி ஒருவரிடம் வெற்றிவேல் எம்எல்ஏ மன்னிப்பு கேட்டதாக ஆடியோ ஒன்று வெளியாகியுள்ளது.
சென்னை: போலீஸ்காரர்களின் சீருடையை கழற்றுவேன் என்று வெற்றிவேல் எம்எல்ஏ கூறியது சர்ச்சையை ஏற்படுத்தியுள்ளது. இதற்கு கண்டனம் தெரிவித்த
போலீஸ்காரிடம், வெற்றிவேல் எம்எல்ஏ மன்னிப்பு கேட்டதாக ஆடியோ ஒன்று வெளியாகியுள்ளது.
சன் நியூஸ் தொலைக்காட்சியில் பேட்டியளித்த பெரம்பூர் எம்எல்ஏ வெற்றிவேல் அதிமுக தலைமை அலுலகத்திற்குள் டிடிவி தினகரன் நுழைவதை தடுத்தால்
காவல்துறையினரின் சீருடைய அவிழ்த்து ஓடவிடுவேன் என்று கூறியிருந்தார்.
வெற்றிவேல் எம்எல்ஏவின் இந்த பேட்டி கடும் சர்ச்சையை ஏற்படுத்தியது. இதனிடையே வெற்றிவேலின் இந்த பேட்டிக்கு போலீசார் ஒருவர் கண்டனம்
தெரிவிப்பதும், இதற்கு வெற்றிவேல் மன்னிப்பு கேட்பதுமான ஒரு ஆடியோ சமூக வலைதளங்களில் வைரலாக பரவி வருகிறது.
அந்த ஆடியோவில் எம்எல்ஏ வெற்றிவேலிடம் பேசிய காவல்துறை அதிகாரி, உங்களுக்கு அரசாங்கத்தின் மேல் கோபம் என்றால் அங்கே காட்டுங்கள். எங்க மேல
ஏன் கோபத்தை காட்டுகிறீர்கள் என்று கேட்டுள்ளார். எங்க சட்டையை எத்தனை பேர்தான் கழட்டுவீர்களோ என்று கேட்டுள்ளார்.
இந்த ஆடியோவின் உண்மைத்தன்மை உறுதிப்படுத்தப்படவில்லை. வைரல் ஆடியோ.
Click it and Unblock the Notifications
Sign in with Google