தாறுமாறாக எகிறிய வாக்குப்பதிவு.. 33 மாவட்டங்களில் 80%+.. மிகக்குறைவான வாக்கு சதவீதம் எங்கே தெரியுமா?

சென்னை: தமிழக சட்டசபை தேர்தல் வரலாற்றில் இதுவரை இல்லாத அளவுக்கு 85 சதவீத வாக்குகள் பதிவாகியுள்ளன. தேர்தல் ஆணையம் தற்போது வெளியிட்ட தகவல்களின்படி 33 மாவட்டங்களில் 80 சதவீதத்துக்கும் அதிகமான வாக்குகள் பதிவாகியுள்ளன. கன்னியாகுமரி மாவட்டத்தில் தான் குறைவான வாக்குப்பதிவு நடந்துள்ளது.

தமிழக சட்டசபை தேர்தலுக்கான வாக்குப் பதிவு இன்று காலை 7 மணிக்கு தொடங்கி மாலை 6 மணி வரை நடைபெற்றது. இந்த தேர்தலில் மொத்தம் 85.14 சதவீத வாக்குகள் பதிவாகி உள்ளதாக தேர்தல் ஆணையம் வெளியிட்டுள்ள சமீபத்திய தகவல் தெரிவிக்கிறது. இறுதி நிலவரம் விரைவில் வெளியிடப்படும் எனத் தெரிகிறது.

அனைத்து மாவட்டங்களிலுமே வாக்குப்பதிவு அதிகரித்துள்ளது. கரூர், தருமபுரி, சேலம், ஈரோடு ஆகிய 4 மாவட்டங்களில் 90%க்கும் அதிகமான வாக்குகள் பதிவாகி உள்ளன. இவற்றுடன் சேர்த்து மொத்தம் 33 மாவட்டங்களில் 80%-க்கும் அதிகமான வாக்குகள் பதிவாகி உள்ளன. 5 மாவட்டங்களில் மட்டுமே 80 சதவீதத்திற்கும் குறைவான வாக்குகள் பதிவாகியுள்ளன.

80%-க்கும் அதிகமான வாக்குகள் பதிவான மாவட்டங்கள்

கரூர் - 92.64%
சேலம் - 90.73%
தருமபுரி - 90.14%
நாமக்கல் - 90.13%
ஈரோடு - 90.10%
ராணிப்பேட்டை - 89.869%
திருவண்ணாமலை - 89.46%
விழுப்புரம் - 88.99%
திருப்பத்தூர் - 88.96%
திண்டுக்கல் - 89.06%

வேலூர் - 88.76%
திருப்பூர் - 88.59%
கள்ளக்குறிச்சி - 88.25%
அரியலூர் - 87.40%
காஞ்சிபுரம் - 87.39%
நாகை - 86.30%
பெரம்பலூர் - 85.50%
கடலூர் - 85.49%
திருச்சி - 85.44%
கிருஷ்ணகிரி - 85.29%
செங்கல்பட்டு - 85.29%
விருதுநகர் - 84.90%
கோவை - 84.79%

புதுக்கோட்டை - 83.89%
திருவாரூர் - 83.77%
திருவள்ளூர் - 83.76%
சென்னை - 83.73%
தென்காசி - 82.40%
மயிலாடுதுறை - 82.14%
தேனி - 81.92%
தஞ்சாவூர் - 80.61%
மதுரை - 80.55%
தூத்துக்குடி - 80.55%

குறைவான வாக்குப்பதிவு நடந்துள்ள மாவட்டங்கள்

நீலகிரி - 78.95%
திருநெல்வேலி - 77.93%
ராமநாதபுரம் - 77.03%
சிவகங்கை - 76.65%
கன்னியாகுமரி - 75.61%

English summary

An unprecedented 85 percent voter turnout has been recorded in the history of Tamil Nadu Assembly elections. According to data currently released by the Election Commission, over 80 percent of votes were cast in 33 districts. The lowest voter turnout was recorded in the Kanyakumari district.