ரசிகர்கள் சந்திப்புக்கு முன்பாக திடீரென தமிழருவி மணியனுடன் ரஜினி ஆலோசனை! அரசியல் திட்டம் ரெடி?

சென்னை: நடிகர் ரஜினிகாந்த்துடன் காந்திய மக்கள் இயக்கத் தலைவர் தமிழருவி மணியன் திடீரென சந்தித்து ஆலோசனை நடத்தியுள்ளது பரபரப்பை ஏற்படுத்தியுள்ளது.

ரஜினிகாந்த்தின் சென்னை போயஸ் இல்லத்தில் இந்த சந்திப்பு இன்று மதியம் நடைபெற்றது.

ரஜினிகாந்த் வருகிற டிசம்பர் 26ம் தேதி முதல் 31ம் தேதி வரை கோடம்பாக்கத்தில் உள்ள தனது ராகவேந்திரா திருமண மண்டபத்தில் ரசிகர்களை சந்திக்க உள்ளார்.

போர் வரும்போது

ஏற்கனவே போர் வரும்போது பார்த்துக்கொள்ளலாம் என ரசிகர்கள் சந்திப்பில் தெரிவித்திருந்த ரஜினி மீண்டும், தனது ரசிகர்களை சந்திக்க உள்ளது பரபரப்பை ஏற்படுத்தியுள்ளது.

ரசிகர்களுக்கு கட்டளை

ரசிகர்கள் தனது தோள் மீது கை போடக்கூடாது, சால்வை அணிவிக்க கூடாது என ரஜினி சார்பில் ரசிகர்களுக்கு கட்டளை பிறப்பிக்கப்பட்டிருந்தது. ரசிகர்களுடனான சந்திப்பு நிகழ்ச்சி ஜரூராக ரெடியாகி வரும் நிலையில், இன்று சுமார் 20 நிமிடங்கள் தமிழருவி மணியன் சந்தித்தார்.

மாநாடு நடத்தினார்

தமிழருவி மணியன் ரஜினியின் அறிவிக்கப்படாத அரசியல் கொ.ப.செ போல செயல்பட்டு வருகிறார். ரஜினி ரசிகர்களை கூட்டி மாநாடு நடத்தி அதிர வைத்தவர் இவர். ரஜினி அரசியலுக்கு வர வேண்டும் என தொடர்ந்து கூறி வருபவர். இந்த நிலையில், ரசிகர்கள் சந்திப்புக்கு முன்பாக இவர் ரஜினியை சந்தித்துள்ளதால் அரசியல் குறித்துதான் இருவரும் விவாதித்திருக்க வேண்டும் என தெரிகிறது.

புதுக்கட்சி அறிவிப்பு

ரஜினி தனது ரசிகர்களுடான சந்திப்பில் அரசியல் கட்சி பற்றி அறிவிப்பு வெளியிடுவாரா என்ற எதிர்பார்ப்பு இதன் மூலம் ஏற்பட்டுள்ளது. இது தமிழக அரசியலில் பரபரப்பை கிளப்பியுள்ளது.

English summary

Gandhian People Leader Tamilaruvi Maniyan has suddenly met with actor Rajinikanth on today. Rajinikanth is going to meet his fans at Raghavendra wedding hall in Kodambakkam from December 26 to 31.