யோகாவில் கலக்கல்.. அமெரிக்க பெண்ணின் சாதனையை அசால்ட்டாக முறியடித்த தமிழக மாணவி!

அமெரிக்காவை சேர்ந்த பெண் யோகாவில் செய்த சாதனையை விழுப்புரத்தை சேர்ந்த மாணவி ஒருவர் முறியடித்து இருக்கிறார்.

விழுப்புரம்: அமெரிக்காவை சேர்ந்த பெண் யோகாவில் செய்த சாதனையை விழுப்புரத்தை சேர்ந்த மாணவி ஒருவர் முறியடித்து இருக்கிறார். ஹர்ஷ நிவேதா என்ற அந்த பள்ளி மாணவி 90 வினாடிகளில் உத்தித பத்மாசனம் என்ற யோகாசனம் செய்து சாதனை படைத்து உள்ளார்.

உத்தித பத்மாசனம் என்ற யோகாசனம் செய்வது மிகவும் கடினமானது. இதை செய்வதற்கு 3 நிமிடத்திற்கும் அதிகமாக நேரம் ஆகும்.

ஆனால் இதை அமெரிக்காவை சேர்ந்த பெண் ஒருவர் 170 வினாடிகளில் செய்து சாதனை படைத்து இருந்தார். இந்த சாதனை யாராலும் முறியடிக்கப்படாமல் இருந்தது.

தற்போது அந்த கடினமான உத்தித பத்மாசனத்தை 90 வினாடிகளில் செய்து அமெரிக்க பெண்ணின் சாதனையை முறியடித்துள்ளார் ஹர்ஷ நிவேதா. இவர் விழுப்புரத்தில் உள்ள பிஎஸ்சிதம்பர நாடார் மெட்ரிக் மேல்நிலைப் பள்ளியில் படித்து வருகிறார்.

இந்த சாதனையின் மூலம் ஹர்ஷ நிவேதா ஆசியன் புக் ஆஃப் ரெக்கார்ட்டில் இடம்பெற்று இருக்கிறார்.

English summary

Tamilnadu girl named Harsha Nivetha beats an American girl in yoga and creates world record. She got her name into Asian book of record by did a Uththitha Padmasanam in 90 seconds.