நல்லா வெடிங்க.. முட்ட முட்டக் குடிங்க.. டாஸ்மாக்கின் 'சியர்ஸ்' தீபாவளி!

Published: Tuesday, October 21, 2014, 11:44 [IST]

Subscribe to Oneindia Tamil

சென்னை: தீபாவளிக்கு ஒவ்வொருவருக்கும் ஒரு இலக்கு இருக்கும். ஆனா்ல தமிழக அரசின் டாஸ்மாக்குக்கோ ஒரே இலக்குதான். அது, நிறையப் பேர் வந்து சரக்கு சாப்பிட வேண்டும், நமக்கு கல்லாக் கட்ட வேண்டும், வசூலில் சாதனை புரிய வேண்டும் என்பதே அது.

அது என்னவோ, என்ன மாயமோ தெரியவி்ல்லை. பண்டிகைக் காலகளில் மக்கள் பண்டிகையை கொண்டாடுவதை விட மது அருந்தவே அதிக ஆர்வம் காட்டுகின்றனர் - எல்லோரும் அல்ல, குடிகாரர்கள் மட்டும்.

அந்த வகையில்,பண்டிகை சமயத்தில்தான் அதிக அளவில் மது விற்பனை களை கட்டும். இந்த தீபாவளிக்கும் பெருமளவில் மது விற்பனை நடக்கும் என்ற எதிர்பார்ப்பில் காசை அள்ளிப் போட டாஸ்மாக்காரர்கள் ஆவலாக உள்ளனராம்

சாதா நாட்களில்

தமிழகத்தில், சாதாரண நாட்களில் நாள் ஒன்றுக்கு 60 கோடி முதல் 70 கோடி வரை மதுபானங்கள் விற்பனையாகும்.

புத்தாண்டு, பொங்கல், தீபாவளிக்கெல்லாம்

புத்தாண்டு, பொங்கல், தீபாவளி, கிறிஸ்துமஸ் உள்ளிட்ட பண்டிகை நாட்களில் மதுபான விற்பனை இரண்டு மடங்கு அதிகரிக்கும்.

150 கோடி வரை போய்ரும்ல

இந்த மாதிரியான சமயங்களில் நாள் ஒன்றுக்கு சுமார் 100 கோடி முதல் அதிகப்பட்சம் 150 கோடி வரை விற்பனையாகும்.

போதை தீபாவளி

இந்த தீபாவளிக்கும் மது விற்பனை களை கட்டியுள்ளதாம். கடைகள் அனைத்தும் கலர் கலராக கலகலகத்து வருகிறது.

இன்னிக்கு ராத்திரி குடிச்சே ஆகனும்

பெரும்பாலும் தீபாவளிக்கு முதல் நாள் இரவில்தான் குடிகார பார்ட்டிகள் களை கட்டும். இரவு குடிப்பதில்தான் பலருக்கும் சந்தோஷம், குடித்து விட்டு தெருவில் விழுந்து கிடப்பது, உரண்டை இழுப்பது, அடிதடி கலாட்டா என்று ஆரம்பித்தால்தான் அவர்களுக்கு தீபாவளி இனிக்கும்.

ஒரே நாளில் 150 கோடிக்கு இலக்கு

இவர்களைத்தான் டாஸ்மாக்கும் குறி வைத்துள்ளது. இவர்கள் மூலமாக தீபாவளிக்கு முதல் நாளில் ரூ. 140 முதல் 150 கோடி வரை விற்பனையாகும் என்று டாஸ்மாக் எதிர்பார்க்கிறது.