அவனியாபுரத்தில் ஜல்லிக்கட்டு கோலாகலம்.. சுற்றுவட்டார டாஸ்மாக் கடைகளுக்கு விடுமுறை

அவனியாபுரத்தில் இன்று ஜல்லிக்கட்டு நடைபெறுவதையொட்டி சுற்றுவட்டாரத்தில் உள்ள 7 டாஸ்மாக் கடைகள் மூடப்பட்டுள்ளன.

அவனியாபுரம்: 2 ஆண்டுகளுக்கு பிறகு அவனியாபுரத்தில் இன்று ஜல்லிக்கட்டு கோலாகலமாக நடைபெற்று வருகிறது. இதனையடுத்து டாஸ்மாக் கடைகள் மூடப்பட்டுள்ளன.

மாணவர்களின் புரட்சிப் போராட்டத்திற்கு பின்னர் இன்று அவனியாபுரத்தில் ஜல்லிக்கட்டு போட்டி நடைபெற்று வருகிறது. இதனைக் கண்டு களிக்க ஏராளமான மக்கள் அவனியாபுரத்தில் குவிந்துள்ளனர். மாடு பிடி வீரர்கள், பார்வையிடும் மக்களுக்கு எந்தவித அசம்பாவிதமும் ஏற்பட்டுவிடாத வகையில் பாதுகாப்பு ஏற்பாடுகள் தீவிரப்படுத்தப்பட்டுள்ளன.

அதே போன்று, இன்று நடைபெறும் ஜல்லிக்கட்டுப் போட்டியையொட்டி, அவனியாபுரம் மற்றும் வில்லாபுரத்தில் உள்ள 7 டாஸ்மாக் கடைகள் மூடப்பட்டுள்ளன. முன்னதாக, டாஸ்மாக் கடைகள் மூடுவதற்கான அறிவிப்பை மாவட்ட நிர்வாகம் அறிவித்தது.

இன்று நடைபெறும் ஜல்லிக்கட்டு விழாவில் 500க்கும் மேற்பட்ட போலீசார் குவிக்கப்பட்டு தீவிர பாதுகாப்பு வழங்கப்பட்டு வருகிறது.

English summary

Seven TASMAC shops were closed at Avaniyapuram and Villapuram for jallikattu celebration.