மநகூ, பாமக, பாஜக வெல்லும் வாய்ப்புள்ள தொகுதிகள் விவரம்- தந்தி டிவி எக்ஸிட் போல்

சென்னை: தந்தி டிவி வெளியிட்டுள்ள தேர்தலுக்கு பிந்தைய கருத்துக்கணிப்பின் படி, தேமுதிக - ம.ந.கூட்டணிக்கு 3 தொகுதிகளும், பாமகவுக்கு 2 தொகுதியும், பாஜகவுக்கு ஒரு தொகுதியும் வெல்ல வாய்ப்பு உள்ளதாக தெரிவிக்கப்பட்டுள்ளது. அதேசமயம் 16 தொகுதிகளில் இழுபறி நிலை உள்ளதாக கூறப்பட்டுள்ளது.

தமிழகத்தில் உள்ள 234 தொகுதிகளில் அரவக்குறிச்சி, தஞ்சாவூர் தொகுதிகள் தவிர மீதமுள்ள 232 சட்டசபை தொகுதிகளுக்கு வாக்குப்பதிவு நடைபெற்று முடிந்த நிலையில், தேர்தலுக்குப் பிந்தைய கருத்துக்கணிப்பு முடிவுகளை நேற்று வெளியிட்டது தந்தி டிவி.

அதன்படி அதிமுக 111, திமுக 99 இடங்களில்தான் வெல்லும்; 16 தொகுதிகளில் இழுபறி என்றும் பெரும்பான்மைக்கு தேவையான 118 இடங்களை இரு கட்சிகளும் பெறவில்லை எனவும் தந்தி டிவி எக்ஸிட் போல் தெரிவித்துள்ளது.

மேலும் வேதாரண்யம் தொகுதியில் பாஜக வெல்ல வாய்ப்பு உள்ளதாகவும், பாமகவிற்கு பென்னாகரம், ஆற்காடு தொகுதிகளில் வெல்ல வாய்ப்பு உள்ளதாகவும் தந்தி டிவி வாக்குப்பதிவிற்கு பிந்தைய கருத்துக்கணிப்பில் தெரிவித்துள்ளது.

தேமுதிக - மக்கள் நலக்கூட்டணி உளுந்தூர்பேட்டை, பவானிசாகர், தளி ஆகிய தொகுதிகளில் வெல்லும் என்றும் இழுபறி நிலையில் 16 தொகுதிகள் உள்ளதாகவும் தேர்தலுக்குப் பிந்தைய கருத்துக்கணிப்பில் தெரிவிக்கப்பட்டுள்ளது.

இழுபறி நிலையில் உள்ள தொகுதிகள் விவரம்:

காட்டுமன்னார்கோவில், நாகப்பட்டினம், ஒசூர், அரூர், பாப்பிரெட்டிப்பட்டி, கம்பம், வந்தவாசி, வேலூர், குடியாத்தம், வானூர், சேலம் வடக்கு, பல்லாவரம், ஆயிரம் விளக்கு, ஆவடி, திரு.வி.க.நகர், குளித்தலை ஆகிய 16 தொகுதிகளில் இழுபறி நிலை காணப்படுவதாக கருத்துக்கணிப்பில் தெரிவிக்கப்பட்டுள்ளது.

English summary

Thathi TV exit poll predicted PMK 2, PWF DMDK 3, BJP 1 unresult 16 in TN.