ஊட்டி லாரன்ஸ் பள்ளியின் 160-வது நிறுவனர் தின விழா.. கடற்படை தளபதி சுனில் லண்பா பங்கேற்பு!

லாரன்ஸ் பள்ளியின் 160-வது நிறுவனர் தின விழா நடைபெற்றது.

ஊட்டி: ஊட்டி லவ்டேல் பகுதியில் உள்ள லாரன்ஸ் பள்ளியின் 160-வது நிறுவனர் தின விழா வெகு கோலாகலமாக கொண்டாடப்பட்டது. இதில் கடற்படை சீப் கமாண்டர் அட்மீரல் சுனில் லண்பா சிறப்பு அழைப்பாளராக பங்கேற்றார்.

மத்திய மனிதவள மேம்பாட்டு அமைச்சகத்தின் கட்டுப்பாட்டில் இயங்கி வரும் லாரன்ஸ் பள்ளியின் 160-வது நிறுவனர் தின விழா கடந்த இரு தினங்களாக நடைபெற்றது. பல துறைகள் சார்ந்த கண்காட்சியுடன் இந்த விழா தொடங்கியது.

பள்ளியின் மாணவ தலைவனான நமன் அகர்வால் கட்டளையின் கீழ் ஒரு வலுவான இராணுவ மரபு கொண்ட அணிவகுப்பும் நடைபெற்றது. விழாவின் சிறப்பு விருந்தினரான இந்திய கடற்படை தலைமை தளபதி,அட்மிரல் சுனில் லன்பா, அணிவகுப்பு மரியாதையை ஏற்றார்.

பின்னர் நடைபெற்ற இசைக் குழு மாணவர்கள் ஒன்றிணைந்து செய்த இசை வித்தையானது காண்போரையும் கேட்போரையும் வியக்க வைத்தது. பள்ளி மைதானத்தில் குதிரை சவாரி மற்றும் சாகச நிகழ்ச்சிகள் நடைபெற்றதுடன், கலையரங்கில் மாணவ- மாணவியரின் கலை நிகழ்ச்சிகளும், நடைபெற்றன. மேலும் மாணவர்களால் உருவாக்கப்பட்ட கைத்தறி ஆடைகள், கைவினைக்கலைகள், சமூகவியல், கணிதம், அறிவியல் மற்றும் கணினி போன்ற பல துறை சார் கண்காட்சிகளும் இடம் பெற்றிருந்தன.

பல்வேறு திறன்களில் சிறந்த மாணவ-மாணவியர்களுக்கு கேடயங்களும் விருதுகளும் பரிசுக்கோப்பைகளும் வழங்கப்பட்டன.இவ்விழாவிற்கு உலகின் பல நாடுகளில் இருந்தும் பெற்றோர்களும், முன்னாள் மாணவர்களும் சிறப்பு அழைப்பாளர்களும் வந்திருந்து சிறப்பித்தனர்.

English summary

The 160th Founder Day Celebration of Lawrence School in Coonoor as a great celebration. Indian Navy Chief Admiral Sunil Lanba, who was the special guest of the festival, was honored by the parade. At the school grounds, horse riding and adventure events took place, and the art programs of the art studio took place.