ஜெ.வுடன் நடிக்க ஆசைப்பட்ட துரைமுருகன்.. என்ன ரோல் கொடுக்கலாம்.. மக்களின் மாஸ் ஐடியா!

நடிப்பை தொடர்ந்து இருந்தால், சினிமாவில் ஜெயலலிதாவுடன் நடிக்கும் வாய்ப்பு கிடைத்திருக்கும் என்று துரைமுருகன் பேசியது குறித்து ஒன்இந்தியா வாசகர்களிடம் கருத்து கேட்கப்பட்டது.

சென்னை: நடிப்பை தொடர்ந்து இருந்தால், சினிமாவில் ஜெயலலிதாவுடன் நடிக்கும் வாய்ப்பு கிடைத்திருக்கும் என்று துரைமுருகன் பேசியது குறித்து ஒன்இந்தியா வாசகர்களிடம் கருத்து கேட்கப்பட்டது. அதற்கு, துரைமுருகன்னுக்கு காமெடி ரோல் கொடுக்கலாம் என்று மக்கள் கருத்து தெரிவித்துள்ளனர்.

சிறு வயதில் நடிப்பை தொடர்ந்து இருந்தால், சினிமாவில் ஜெயலலிதாவுடன் படத்தில் நடிக்கும் வாய்ப்பு கிடைத்திருக்கும் என்று சட்டசபையில் திமுகவை சேர்ந்த துரைமுருகன் நேற்று பேசியுள்ளார்.

தான் நன்றாக நடிப்பேன். சிறு வயதில் இருந்தே நாடகத்தில் நடித்து இருக்கிறேன். பின் நடிப்பதை விட்டுவிட்டேன். நான் நடிப்பதை தொடர்ந்து இருந்திருந்தால், ஒருவேளை சினிமாவில், ஜெயலலிதாவுடன் நடித்திருப்பேன் என்று கூறினார். அவரின் இந்த கருத்துக்கு ஒன்இந்தியா வாசகர்கள் தங்கள் கருத்துக்களை தெரிவித்துள்ளனர்.

சிவாஜி

சில வாசகர்கள் ''சிவாஜி மாதிரி ரோல்களை அவருக்கு கொடுத்தால் நன்றாக இருக்கும்'' என்று கூறியுள்ளனர். மொத்தமாக 4.29% பேர் துரைமுருகனுக்கு சிவாஜி மாதிரி ரோல்களை அவருக்கு கொடுத்தால் நன்றாக இருக்கும் என்ற பதிலை தேர்வு செய்துள்ளனர்.

எம்ஜிஆர்

அதேசமயம், கருத்துக் கணிப்பில் கலந்து கொண்டவர்களில் குறைவாக 0.76% பேர் வேறு மாதிரி பதில் அளித்து இருக்கிறார்கள். அதன்படி அவருக்கு எம்ஜிஆர் டைப் வேடங்கள் கொடுக்கலாம் என்ற பதிலைத் தேர்வு செய்து வாக்களித்துள்ளனர்.

ஜெமினி ஸ்டைல் ஓகே

சிலர் இந்த விஷயம் பற்றி வேறு விதத்தில் வாக்களித்துள்ளார்கள். அதன்படி துரைமுருகனுக்கு ஜெமினி ஸ்டைல் ஓகே என்று 3.36% மக்கள் வாக்களித்துள்ளார்கள்.

வில்லன்

கருத்துக் கணிப்பில் கலந்து கொண்டவர்களில் 10.83% பேர் இந்த விஷயத்திற்கு புதிய கருத்து தெரிவித்து இருக்கிறார்கள். துரைமுருகனுக்கு வில்லன் வேடம் தரலாம் என்ற பதிலைத் தேர்வு செய்து வாக்களித்துள்ளனர்.

காமெடிதான்

காமெடிதான் நிறைய வாசகர்கள் ''காமெடிதான் சார் பெஸ்ட்'' என்று கூறியுள்ளனர். மொத்தமாக 32.82% பேர் துரைமுருகனுக்கு காமெடிதான் சார் பெஸ்ட், அதுதான் நன்றாக இருக்கும் என்ற பதிலை தேர்வு செய்துள்ளனர்.

எல்லாமும்

இன்னும் சில வாசகர்கள் ''எந்த ரோல் கொடுத்தாலும் பின்னிடுவார் அவர் '' என்று கூறியுள்ளனர். மொத்தமாக 22.6% பேர் துரைமுருகன் எந்த ரோல் கொடுத்தாலும் பின்னிடுவார் என்ற பதிலை தேர்வு செய்துள்ளனர்.

கலாய்காதீங்க

சில வாசகர்கள் ''அட ஏங்க, நீங்க வேற அவரை ஓட்டிக்கிட்டு'' என்று கூறியுள்ளனர். மொத்தமாக 25.33% பேர் அட ஏங்க, நீங்க வேற அவரை ஓட்டிக்கிட்டு, துரைமுருகனை கலாய்க்காதீங்க என்ற பதிலை தேர்வு செய்துள்ளனர்.

English summary

OneIndia has done a Poll on people's opinion on Duraimurugan's wish to act with Jayalalitha.