ஊட்டி மலை ரயிலில் பயணிக்க ஜுன் 15ஆம் தேதி வரை டிக்கெட் முன்பதிவு நிறைவு! சுற்றுலாப் பயணிகள் ஏமாற்றம்

ஊட்டி மலை ரயிலில் பயணம் செய்வதற்கான டிக்கெட் முன்பதிவு ஜுன் 15 ஆம் தேதி வரை முன்பதிவு நிறைவடைந்துள்ளது.

ஊட்டி: உலக புகழ் பெற்ற ஊட்டி மலை ரயிலில் பயணம் செய்வதற்கான டிக்கெட் முன்பதிவு ஜுன் 15 ஆம் தேதி வரை முன்பதிவு நிறைவடைந்துவிட்டது. இதனால் டிக்கெட் முன்பதிவு செய்ய முடியாதவர்கள் ஏமாற்றத்துடன் திரும்பினர்.

உலக புகழ் பெற்றது ஊட்டி மலை ரயில் பயணம். இதற்காக உள்நாடு மற்றும் வெளிநாடுகளில் உள்ள சுற்றுலா பயணிகள் இதில் பயணம் செய்ய அதிக ஆர்வம் காட்டுவர்.

மேட்டுபாளையம் முதல் குன்னூர் வரை சுமார் 23 கிமீ தொலைவுக்கு பல் சக்கரம் அமைக்கப்பட்ட பாதையில் 13 கிமீ வேகத்தில் மலை ரயில் ஊர்ந்து செல்கிறது. மேலும் ஓர் ஆண்டாக மேட்டு பாளையம் குன்னூர் இடையே நான்கு பெட்டிகளுடன், குன்னூர்-ஊட்டி இடையே ஐந்து பெட்டிகளுடன் ரயில் இயக்கப்படுகிறது.

தற்போது கோடை சீசன் நெருங்கி விட்டதால் மலை ரயிலில் பயணிக்க சுற்றுலா பயணிகள் அதிக ஆர்வம் காட்டி வருகின்றனர். இதற்கான முன்பதிவு ஏற்கனவே முடிந்து விட்டது.

இதனால் வரும் ஜூன் மாதம் 15ம் தேதி் வரை மலை ரயிலில் பயணிக்க முன்பதிவு செய்ய முடியாது. குரிப்பாக மேட்டுபாளையம்-ஊட்டி இடையே ஜூன் மாதம் 15ம் தேதி வரையிலும், குன்னூர்-ஊட்டி இடையே ஜூன் மாதம் 5ம் தேதி வரையிலும் முன்பதிவு முடிந்துள்ளது.

English summary

The world-famous Ooty mountain train ticket booking until June 15th reservation has been completed. Peeople who are unable to do this ticket booking turned to disappointment.