போயஸ் கார்டனில் சசிகலாவுடன் திருமாளவன் சந்திப்பு! அதிமுக பொதுச்செயலரானதற்கு வாழ்த்து!
சசிகலாவை திருமாவளவன் இன்று சந்தித்தார். அப்போது அதிமுக பொதுச்செயலரானதற்கு வாழ்த்து தெரிவித்தார் திருமாவளவன்.
சென்னை: அதிமுக பொதுச்செயலராக பொறுப்பேற்ற சசிகலாவுக்கு விடுதலைச் சிறுத்தைகள் கட்சித் தலைவர் தொல். திருமாவளவன் இன்று நேரில் சந்தித்து வாழ்த்து தெரிவித்தார்.
ஜெயலலிதா மறைவைத் தொடர்ந்து அதிமுக பொதுச்செயலராகி இருக்கிறார் சசிகலா. இதற்காக கடந்த 25 நாட்களாக பலரும் சசிகலாவை நேரில் சந்தித்து கோரிக்கை விடுத்தனர்.
அதிமுக பொதுக்குழு அதிகாரப்பூர்வமாக சசிகலாவை நியமித்தது. இதனையடுத்து இன்று அதிமுக தலைமை அலுவலகத்தில் பொதுச்செயலராக பொறுப்பேற்றார் சசிகலா.
அஇஅதிமுக பொதுச்செயலாளராக பொறுப்பேற்றுள்ள சின்னம்மா அவர்களுக்கு திருமாவளவன் அவர்கள் நேரில் வாழ்த்து தெரிவித்தார். pic.twitter.com/G3vVsqTdnH
— AIADMK (@AIADMKOfficial) December 31, 2016
இந்த நிலையில் போயஸ் கார்டனுக்கு சென்ற விடுதலை சிறுத்தைகள் கட்சித் தலைவர் தொல். திருமாவளவன் சசிகலாவை நேரில் சந்தித்தார். அப்போது பொதுச்செயலராக பொறுப்பேற்றதற்கு சசிகலாவுக்கு வாழ்த்துகளை திருமாவளவன் தெரிவித்தார்.