வடிவேலு படத்தை போட்டு போஸ்டர் ஒட்டுங்க… அன்புமணியை கிண்டலடிக்கும் திருமாவளவன்

By Mayura Akilan

Published: Tuesday, July 14, 2015, 11:14 [IST]

Subscribe to Oneindia Tamil

சென்னை: எப்படி பார்க்கணும் கூட சொந்தமா யோசிக்கமா ஒபாமா போஸ்டரைப் பார்த்து காப்பியடித்தது ஏன் என்று அன்புமணி ராமதாஸை விடுதலைச் சிறுத்தைகள் தலைவர் திருமாவளவன் கிண்டலடித்துள்ளார். வடிவேலு படத்தைப் போட்டு போஸ்டர் ஒட்டுங்கள் தனது கட்சியினரிடம் கூறியுள்ளார் திருமாவளவன்.

ஞாயிறன்று ‘மாற்றம் முன்னேற்றம் அன்புமணி' என்ற வாசகங்களுடன் சென்னை மட்டுமின்றி தமிழகம் முழுவதும் போஸ்டர்கள் ஒட்டப்பட்டிருந்தது, அதே போஸ்டர் வாசகங்களுடன் அன்றைய நாளிதழ்களில் இரண்டு முழுப்பக்க விளம்பரங்களும் கொடுக்கப்பட்டிருந்தன.

இது ஏதோ சினிமா பட விளம்பரமோ என்று பலரும் குழம்பித்தான் போனார்கள். அப்புறம்தான் முதல்வர் வேட்பாளர் அன்புமணியை விளம்பரப்படுத்த ஒட்டப்பட்ட போஸ்டர் என்று புரிந்து கொண்டனர் தமிழக மக்கள். சும்மாவே சந்தில் சிந்து பாடுவார்கள் நம் வலைஞர்கள், ஞாயிறன்று நல்ல மேட்டர் கிடைக்கவே பிரித்து மேய்ந்து விட்டார்கள்.

ஒபாமாவை காப்பியடித்து

'மாற்றம் முன்னேற்றம் அன்புமணி'- என்ற விளம்பரத்தைக் கூட சொந்தமாக சிந்தித்து உருவாக்க தெரியவில்லையே என்றும், அந்த வாசகமும், போஸ்டர் டிசைனும் எங்கிருந்து சுடப்பட்டது என்பதையும் ஒபாமா போஸ்டர் படத்துடன் போட்டு ஃபேஸ்புக்கில் செமையாக வாரி உள்ளார்கள்.

சொந்தமா யோசிங்கப்பா

இதுபோக விடுதலை சிறுத்தைகள் கட்சித் தலைவர் திருமாவளன் தனது பங்கிற்கு அடித்து ஆடினார். ஒரு போஸ்டரை கூட சொந்தமா யோசிக்க மாட்டாங்களா? எப்படி பார்க்கணும்னு கூட ஒபாமாவை பார்த்து காப்பியடிக்கணுமா என்று கேட்டுள்ளார் திருமாவளவன்.

காப்பியடிக்கிறாங்க

தொடர்ந்து பேசிய திருமாவளவன், அமெரிக்காவில் கடந்த முறை நடைபெற்ற தேர்தலின் போது ஒபாமா ஒரு போஸ்டரை வெளியிட்டார் அதை பார்த்து அப்பட்டமாக காப்பியடிக்கணுமா? மூணு படம் இருக்கு, அதுல ஹோப், புராகரஸ், சேஞ்ச் என்று எழுதப்பட்டிருக்கிறது. ஒபாமா கூட ஒபாமான்னு எழுதல, சேஞ்சுன்னுதான் எழுதியிருக்கு.

நம்பிக்கை, வளர்ச்சி, மாற்றம்

அந்த போஸ்டரில் எழுதியுள்ள நம்பிக்கை, வளர்ச்சி, மாற்றம் ஆகியவற்றை ஒபாமாவினால் செய்ய முடியும் என்று தெரிவிக்கும் வகையில் எழுதப்பட்டுள்ளது. உடனே அன்புமணியும் ஒரு போஸ்டரை போட்டு அப்படி பார்க்கிறார். ஒருதடவை மத்திய அமைச்சர் ஆனதுக்கே சிபிஐக்கு போயிட்டு இருக்கார்.

சிறப்பான மாற்றம்

ஏன் தெரியுமா? சிறப்பான மாற்றம் சிறப்பான முன்னேற்றம் கொடுத்த காரணத்தால் சிபிஐ வழக்கு போடப்பட்டுள்ளது. முதல்வராக ஒரே ஒரு வாய்ப்பு கேட்கிறார்.

வடிவேலு ஆசைப்படக்கூடாதா?

அன்புமணி ஆசைப்படும் போது வடிவேலு ஆசைப்படக்கூடாதா? நாளைக்கு எல்லாரும் வடிவேலு படத்தைப் போட்டு மாற்றம் முன்னேற்றம் வடிவேலு என்று போஸ்டர் ஒட்டுங்க என்று கூறியுள்ளார் திருமாவளவன்.

இது எங்க போயி எப்படி முடியப்போகுதோ தெரியலையே?

Published On July 14, 2015