பொதுசிவில் சட்டத்துக்கு ஆதரவாக குஷ்பு கருத்து... திருமா 'ஷாக்'
பாஜக அரசின் பொதுசிவில் சட்டத்தை ஆதரிப்பதாக காங்கிரஸின் குஷ்பு கருத்து தெரிவித்து அதிர்ச்சி அளிப்பதாக விசிக தலைவர் திருமாவளவன் கூறியுள்ளார்.
சென்னை: பொதுசிவில் சட்டத்தை ஆதரிப்பதாக காங்கிரஸ் செய்தித் தொடர்பாளர் நடிகை குஷ்பு கூறியுள்ளது அதிர்ச்சி தருகிறது என விடுதலைச் சிறுத்தைகள் கட்சியின் தலைவர் தொல். திருமாவளவன் தெரிவித்துள்ளார்.
சென்னையில் செய்தியாளர்களிடம் திருமாவளவன் கூறியதாவது:
புதுச்சேரி மக்கள் நலக் கூட்டணியைப் பொறுத்தவரை அந்தந்த கட்சிகள் தனித்து முடிவெடுக்கலாம். ஆகையால் நாங்கள் காங்கிரஸ் கட்சியை ஆதரித்தோம்.
புதுவை முதல்வராக நாராயணசாமி நீடிக்க வேண்டும் என்பதே எங்கள் விருப்பம். தமிழகத்தைப் பொறுத்தவரை மக்கள் நலக் கூட்டணியின் முடிவுகளின் படி செயல்படுவோம்.
மநகூ ஒருங்கிணைப்பாளராக வைகோ சிறப்பாகத்தான் செயல்படுகிறார்; இதில் எந்த குழப்பமும் இல்லை.
பொதுசிவில் சட்டத்தை ஆதரிப்பதாக நடிகை குஷ்பு கூறியுள்ளது அதிர்ச்சி தருகிறது. யாரேனும் அவருக்கு தவறான தகவலை கூறியிருப்பார்கள். அதைக் கேட்டு அப்படி அவர் சொல்லியிருக்கலாம்.
ஒவ்வொரு சமூகத்துக்கும் தனிச் சட்டங்கள் உள்ளன. அதை பாதுகாக்க வேண்டும். பொதுசிவில் சட்டம் என்பது சிறுபான்மையினருக்கு எதிரானது.
இவ்வாறு திருமாவளவன் கூறினார்.
Click it and Unblock the Notifications
Sign in with Google