அதிமுக அழைத்து ஜெ.வை பார்க்க ராகுல் வரவில்லை- திருநாவுக்கரசர் விளக்கம்

சென்னை: அதிமுக அழைத்து முதல்வர் ஜெயலலிதாவின் உடல்நிலை குறித்து விசாரிக்க ராகுல் காந்தி சென்னை வரவில்லை என்று தமிழக காங். தலைவர் திருநாவுக்கரசர் விளக்கம் அளித்துள்ளார்.

நியூஸ் 18 தமிழ்நாடு தொலைக்காட்சியில் காலத்தின் குரல் நிகழ்ச்சியில் நெறியாளர் குணசேகரன் எழுப்பிய கேள்விகளுக்கு திருநாவுக்கரசர் அளித்த பதில்:

முதல்வர் ஜெயலலிதாவை காங்கிரஸ் துணைத் தலைவர் ராகுல் காந்தி மருத்துவமனையில் பார்க்க வந்ததில் அரசியல் எதுவும் இல்லை. அது காங்கிரஸின் கலாசாரம்.

அன்று எம்ஜிஆர் மருத்துவமனையில் இருந்த போது இந்திரா காந்தி பார்க்க வந்தார். ஜெயலலிதா உடல்நலம் பாதிக்கப்பட்ட போது ராஜிவ் காந்தி பார்க்க வந்தார்.

தற்போது ஜெயலலிதாவை பார்க்க ராகுல் காந்தி வருகை தந்தார். அதிமுக அழைத்துதான் ராகுல் காந்தி ஜெயலலிதாவை பார்க்க வரவில்லை.

இவ்வாறு திருநாவுக்கரசர் கூறினார்.

English summary

TNCC leader Thirunavukkarasar said there was no politics in the party vice-president Rahul Gandhi visiting Apollo Hospital where Chief Minister Jayalalithaa is being treated.