நல்ல வேளை.. இந்த சிலை எம்ஜிஆர் சிலை மாதிரிதான் இருக்கு!

சென்னை: எம்ஜிஆர் கல்வி நிறுவனத்தில் நடிகர் ரஜினிகாந்த் மறைந்த முன்னாள் முதல்வர் எம்ஜிஆரின் சிலையை திறந்து வைத்தார்.

நடிகர் ரஜினிகாந்த் தீவிர அரசியலில் ஈடுபடப்போவதாக அறிவித்தார். அதற்கான பணிகளிலும் தீவிரமாக ஈடுபட்டு வந்தார்.

இந்நிலையில் அடுத்தடுத்து படங்களில் கமிட்டாகி வரும் ரஜினிகாந்த் இன்று சென்னை வேலப்பன்சாவடியில் எம்ஜிஆர் கல்வி மற்றும் ஆராய்ச்சி நிறுவனத்தில் எம்ஜிஆரின் வெண்கல சிலையை திறந்து வைத்தார்.

எப்படி இருக்கப்போகிறதோ?

கல்லூரியின் 30வது ஆண்டு விழாவை முன்னிட்டு இந்த சிலை கல்லூரி வளாகத்தில் திறக்கப்பட்டுள்ளது. சிலையை திறக்கும் முன்பே பலரும் இந்த சிலை எப்படி இருக்கப் போகிறதோ என எதிர்ப்பார்த்து காத்திருந்தனர்.

ஜெ.போல் இல்லை

காரணம் அண்மையில் மறைந்த முதல்வர் ஜெயலலிதாவின் 70வது பிறந்த நாளை முன்னிட்டு அதிமுக தலைமைக் கழகத்தில் ஜெயலலிதாவின் 7 அடி உயர வெண்கல சிலை திறக்கப்பட்டது.ஆனால் அந்த சிலை கொஞ்சமும் ஜெயலலிதா போல் இல்லை என்று விமர்சனங்கள் எழுந்தன.

காந்திமதி போல் உள்ளது

நெட்டிசன்கள் ஒருபடி மேலே போய், அதிமுக தலைமைக்கழகத்தில் திறக்கப்பட்டிருக்கும் சிலை, வளர்மதி போல் உள்ளது, வடிவுக்கரசி போல் உள்ளது, காந்திமதி போல் உள்ளது மேலும் சசிகலா போல் உள்ளது என்றும் விமர்சித்தனர்.

எதிர்பார்ப்பை ஏற்படுத்தியது

அரசியல் கட்சியினர் பலரும் ஜெயலலிதா சிலைக்கு கீழே அவர்தான் என போர்டு வைக்க வேண்டும் என கிண்டலடித்தனர். இந்நிலையில் எம்ஜிஆர் கல்வி நிறுவனத்தில் இன்று எம்ஜிஆர் சிலை திறக்கப்பட்டது பெரும் எதிர்ப்பார்ப்பை ஏற்படுத்தியது.

எம்ஜிஆரைப் போல் இருக்கு

இதனால் இந்த சிலை எப்படி இருக்கப்போகிறது என்பதை காணும் ஆர்வம் மக்களிடையே அதிகரித்தது. நல்லவேளையாக இந்த சிலை எம்ஜிஆரைப் போலவே உள்ளது.

English summary

This statue looks like MGR. Rajinikanth has opened MGR statue in the MGR University and Research centre at Chennai Velappanchavadi.