அம்மா புகழ்பாடி, விஜயகாந்தை வசைபாடிய தேமுதிக அதிருப்தி எம்.எல்.ஏ. தமிழ் அழகன்

By Siva

Published: Wednesday, May 14, 2014, 14:05 [IST]

Subscribe to Oneindia Tamil

கடலூர்: விஜயகாந்த் கட்சியில் இருந்தபோது தொகுதிக்கு ஒன்றுமே செய்ய முடியவில்லை என்று தேமுதிக அதிருப்தி எம்.எல்.ஏ. தமிழ் அழகன் தெரிவித்துள்ளார்.

கடலூர் மாவட்டம் திட்டக்குடியில் அரசு கலைக்கல்லூரி துவங்கப்பட்டு ஓராண்டு முடிந்துள்ளது. இதையடுத்து நடத்தப்பட்ட முதலாம் ஆண்டு விழாவில் திட்டக்குடி தேமுதிக அதிருப்தி எம்.எல்.ஏ. தமிழ் அழகன் கலந்து கொண்டார்.

அப்போது அவர் பேசுகையில்,

நான் தேமுதிகவில் இருக்கையில் என் தொகுதிக்காக எதையுமே செய்ய முடியவில்லை. ஆட்சியாளர்களுடன் நட்புடன் இருக்க வேண்டும் என்று விஜயகாந்துக்கு தெரியவில்லை.

ஜெயலலிதா ஆட்சியில் கல்வி எட்டிப் பிடிக்கும் தொலைவில் உள்ளது. திட்டக்குடியில் கல்லூரி அமைய, நீதிமன்ற கட்டிடம் கட்ட ஜெயலலிதா தான் அனுமதி அளித்தார்.

ஜெயலலிதாவை நம்பி கெட்டவர்கள் என்று யாரும் இல்லை. தன்னம்பிக்கையுள்ள தலைவியாக அவர் நாட்டை வழிநடத்துகிறார் என்றார்.

Published On May 14, 2014